8 ástæður fyrir því að þú ættir að íhuga árstíðabundin störf

1. Fá aðgang að byrjunarstöðum

Árstíðabundin störf bjóða oft upp á byrjunarstörf sem mun erfiðara væri að finna í öðrum geirum. Þetta getur gefið þér tækifæri til að vinna þig upp og veitt þér reynslu sem gæti leitt til viðeigandi atvinnutækifæra síðar.

2. Prófa nýtt starfssvið eða nýjan vinnuveitanda

Ef þú ert að leitast eftir að prófa nýjan starfsferil eða hefur áhuga á að vinna með öðrum vinnuveitanda, þá geta árstíðabundin vinna gert þér kleift að prófa það á öruggan hátt í vitneskju um að ef þér líkar það ekki, þá ertu ekki skuldbundinn til langs tíma.

3. Nýttu þér sérkunnáttu þína til að skapa þér tækifæri

Margvísleg árstíðabundin atvinnutækifæri sem eru í boði (á skíðasvæðum, hátíðum og til dæmis í verslun eða landbúnaði) geta gefið þér tækifæri til að efla sérstaka og eftirsótta kunnáttu sem þú mögulega gætir ekki þróað með þér í öðrum stöðum.

4. Efldu ferilskrána þína

Ef þú ert á milli starfa getur árstíðabundin vinna verið frábær leið til að fylla í eyðurnar í ferilskránni ásamt því að veita þér dýrmæta færni og afla þarfra tekna á meðan.

5. Skapa tækifæri til frekari vinnu

Rétt eins og árstíðabundin vinna getur veitt þér tækifæri til að prófa að vinna með tilteknum vinnuveitanda eða á ákveðnu sviði, þá gerir það þeim einnig kleift að prófa þig og sjá hvernig þú passar inn í vinnuumhverfi þeirra. Ef vinnuveitandi þinn kemst að því að þú ert sérstaklega vinnu- og áhugasamur eru góðar líkur á að þér verði boðið starf til langs tíma.

6. Þróaðu fjölbreyttara og faglegra tengslanet

Við lok árstíðabundins ráðningarsamnings, jafnvel þó að þér sé ekki boðið fullt starf, muntu samt hafa unnið með heilum hóp nýrra aðila sem gætu hugsanlega tengt þig við framtíðarmöguleika.

7. Ferðalög

Mikil árstíðabundin vinna er byggð á ferðaþjónustu, sem getur veitt þér tækifæri til að ferðast og starfa erlendis, sjá nýja staði og upplifa nýja menningu og fá borgað fyrir það í leiðinni!

8. Verja tíma utandyra

Í eðli sínu er mikið af árstíðabundinni vinnu utandyra þar sem þetta er vinnan sem er mest háð árstíðum og veðri. Það eru margir kostir við að verja tíma útandyra, til dæmis getur það aukið ónæmiskerfið og haft jákvæð áhrif á andlega heilsu þína.

Við vonumst til þess að þessi ráð hvetji þig til að skoða árstíðabundin atvinnutækifæri sem henta starfsmarkmiðum þínum!

Í samstarfi við Eures, Vefgátt um flæði vinnuafls í Evrópu.

 

Nánari upplýsingar:

Evrópskir atvinnudagar

Drop’pin@EURES

Finna EURES ráðgjafa ​

Atvinnu- og búsetuskilyrði í Eures-löndum

Vinnugagnagrunnur Eures

Þjónusta Eures fyrir vinnuveitendur

Viðburðadagatal Eures

Næstu viðburðir á Netinu

Eures á Facebook

Eures á Twitter

Eures á LinkedIn