Veldu hugbúnaðinn af kostgæfni
Fyrsta stig í vefsíðugerð er að velja réttan hugbúnað og WordPress, Drupal og Joomla koma iðulega upp sem þrjú bestu vefumsjónartólin á markaðnum. Þau eru öll með opnum kóða sem merkir að þau eru sérsníðanleg og hægt er nálgast fjölda viðbóta úr safni notenda.
Hannaðu rökrétt skipulag
Þeir sem heimsækja vefsvæði fyrirtækja vilja auðveldlega finna það sem þeir leita að svo mikilvægt er að skipuleggja vefsvæðið á rökréttan hátt áður en byrjað er að smíða það. Að hverju leita viðskiptavinir þínir og hversu margar valmyndir og fellilista nenna þeir að fara í gegnum. Hvaða síður eru nauðsynlegar og hvaða síður gætirðu átt erfitt með að fylla af efni? Hafðu þessar spurningar í huga og þá verður vefsvæðið þitt skilvirkara en ella.
Veldu viðeigandi efni
Settu þig í fótspor gesta þinna þegar þú ákveður hvaða upplýsingar þú vilt að komi fram um fyrirtækið og hvaða þjónustu þú býður upp á. Hafðu í huga: Það sem þér finnst mikilvægt skiptir kannski litlu máli fyrir viðskiptavini þína. Þessi aðferð getur líka gert efni vefsvæðisins skilvirkara og auðveldara að viðhalda því til lengri tíma.
Myndir eru líka mikilvægar, þær fanga athygli notandans og brjóta upp lengri texta. Það getur oft verið ágætt að nota myndir úr myndabanka en myndir úr eigin safni geta gefið persónulegri mynd af fyrirtækinu og auðkenni þess.
Vertu á léttu nótunum
Í heimi viðskipta getur málfar oft orðið formlegt og uppfullt af sértækum orðaforða og skammstöfunum. Þó oft sé ástæða til þess getur það hentað síður á vefsvæðum Með því að halda málfari óformlegu og forðast sértæk orð getur vefsvæðið orðið notendavænna og gefið gestum skýrari mynd af því sem fyrirtækið hefur að bjóða.
Hafðu efnið sérsniðið
Það getur líka verið mikilvægt að huga að leitarvélabestun þegar efni vefsvæðisins er unnið, svo það komi fram í leitarniðurstöðum. Finndu viðeigandi lykilorð fyrir fyrirtækið og lærðu að nota þau með skilvirkum hætti til að gera vefsvæðið sem leitarvélavænst. Með því að skipuleggja efnið á rökréttan hátt og tengja mismunandi hluta vefsvæðisins getur það skilað meiri árangri á netinu.
Nýttu þér samfélagsmiðla
Við höfum áður fjallað um hvað samfélagmiðlar eru öflugt tæki fyrir fyrirtæki. En ef gestir þínir finna ekki samfélagsrásirnar þínar getur það haft neikvæð áhrif. Gakktu því úr skugga um að þær séu áberandi á vefsvæðinu og að þú notir hvert tækifæri sem gefst til að benda gestum þínum á þær.
Samfélagsmiðlar eru einnig ein besta leiðin til að koma kostum fyrirtækisins á framfæri og öflug leið til að kynna vefsvæðið þitt og fá umferð um það.
Ekki flýta þér
Smíði vefsvæðis er langtímaverkefni og ekki eitthvað sem gert er á einum degi. Taktu þér tíma til að gera áætlanir og gakktu úr skugga um að prófa alla eiginleika. Það getur verið freistandi að drífa upp nýtt vefsvæði, sérstaklega ef búið er að tilkynna viðskiptavinum um að slíkt sé væntanlegt. En það getur haft neikvæðar afleiðingar í för með sér að koma með hálfklárað svæði bara til að virða fyrirfram ákveðna dagsetningu.
Mundu að uppfæra vefsvæðið
Það er ekki nóg að búa til og setja á fót frábært vefsvæði. Það er bara byrjunin. Ef þú heldur ekki vefsvæðinu uppfærðu er hætta á að þú gefir þá mynd að fyrirtækið sé ekki með á nótunum eða ekki annt um ímynd sína. Haltu uppfærslum tíðum og færðu gestum þínum ferskt og áhugavert efni svo að þeir heimsæki vefsvæðið aftur og aftur.
Langar þig að sjá hvernig þú getur nýtt þér samfélagsmiðla með sem bestum hætti? Skoðaðu 5 ráð til að láta samfélagsmiðla nýtast þínu fyrirtæki.
Tengdir hlekkir:
5 ráð til að láta samfélagsmiðla nýtast þínu fyrirtæki
Nánari upplýsingar:
Finna EURES-ráðgjafa
Atvinnu- og búsetuskilyrði í EURES-löndum
Vinnugagnagrunnur EURES
Þjónusta EURES fyrir vinnuveitendur
Viðburðadagatal Eures
Næstu viðburðir á Netinu
EURES á Facebook
EURES á Twitter
EURES á LinkedIn
EURES á Google+
Upplýsingar
- Útgáfudagsetning
- 4 Apríl 2017
- Höfundar
- European Labour Authority | Directorate-General for Employment, Social Affairs and Inclusion
- Viðfangsefni
- Viðskipti /Frumkvöðlastarf
- Ábendingar og ráð
- Vinnumarkaðsfréttir/hreyfanleikafréttir
- Samfélagsmiðlar
- Ungmenni
- Tengdir hlutar
- Hjálp og aðstoð
- Geirinn
- Accomodation and food service activities
- Activities of extraterritorial organisations and bodies
- Activities of households as employers, undifferentiated goods- and services
- Administrative and support service activities
- Agriculture, forestry and fishing
- Arts, entertainment and recreation
- Construction
- Education
- Electricity, gas, steam and air conditioning supply
- Financial and insurance activities
- Human health and social work activities
- Information and communication
- Manufacturing
- Mining and quarrying
- Other service activities
- Professional, scientific and technical activities
- Public administration and defence; compulsory social security
- Real estate activities
- Transportation and storage
- Water supply, sewerage, waste management and remediation activities
- Wholesale and retail trade; repair of motor vehicles and motorcycles