Deich rud ba chóir do gach meantóir maith a dhéanamh

Cuir aithne ar a chéile

Chun caidreamh maith oibre a bhunú le do mheantaí, tá sé tábhachtach go gcuirfidh sibh aithne ar a chéile ar dtús. Cibé an bhfuil sé i seomra cruinnithe, i limistéar sosa nó i gcistin na hoifige – glac an t-am chun tuilleadh a fhoghlaim fúthu, faoin áit as a dtagann siad, faoin rud a spreag iad chun iarratas a dhéanamh ar an gclár, faoina gcuid leasanna agus faoi na mianta atá acu. Inis dóibh fút féin chomh maith. Cuirfidh sé sin an dá pháirtí ar a suaimhneas lena chéile agus brisfidh sé ‘leac an doichill’.

Forbair comhpháirtíocht

Mínigh do do mheantaí nach bhfuil tú i do cheannasaí ná i do mhúinteoir. Ina áit sin, tá tú mar chomhpháirtí san eispéireas seo agus tá tú anseo chun cabhrú leo an leas is fearr is féidir a bhaint as a gclár meantóireachta.

Cruthaigh cuspóirí pearsantaithe

Ba cheart go mbeadh spriocanna soiléire ag gach clár meantóireachta. Oibrigh lé chéile le do mheantaí chun a gcuid cuspóirí a leagan síos. Fiafraigh díobh an méid is mian leo a fháil ón meantóireacht seo, cad iad na scileanna is mian leo a fhoghlaim agus cén taithí is mian leo a fháil. Trí spriocanna pearsantaithe a shocrú, beidh do mheantaí spreagtha i gcónaí agus déanfar a n-eispéireas níos fiúntaí.

Bunaigh cumarsáid laethúil

In amanna is cosúil go bhfuil ról an mheantóra ina ualach toisc go mbíonn sé go minic ar bharr liosta na rudaí atá le déanamh agat. Is cuma cé chomh gnóthach is atá tú, bí cinnte go bhfuil sliotán ama tiomnaithe agat chun labhairt le do mheantaí uair amháin sa lá ar a laghad. Bí cinnte nach mothaíonn siad go bhfuil siad ina míchaoithiúlacht.

Múin do do mheantaí conas a mbealach féin a aimsiú

Baineann meantóir maith úsáid as meascán de chomhairle agus de cheisteanna treoracha. Uaireanta, d'fhéadfadh sé a bheith níos luachmhaire treoir a thabhairt do do mheantaí chun teacht ar an bhfreagra iad féin, in ionad an réiteach a thabhairt dóibh.

Ná bíodh eagla ort “Níl a fhios agam” a rá

B’fhéidir nach mbeadh an freagra ceart agat i gcónaí ar cheist do mheantaí. Ná bíodh eagla ort “Níl a fhios agam” a rá, agus iarr comhairle ar chomhghleacaithe eile. Beidh sé seo ina cheacht luachmhar don mheantaí maidir le hobair foirne agus macántacht.

Bíodh intinn oscailte agat i gcónaí

Uaireanta is féidir feabhsuithe nua a chur ar sheanphróisis oibre a bhuí le dearcadh seachtrach. D’fhéadfadh do mheantaí botún i do chuid oibre a thabhairt faoi deara nó d’fhéadfadh sé bealach inar féidir do mhodhanna a fheabhsú a chur in iúl duit. Má ghlactar úinéireacht ar do chuid easnamh, tógfar muinín i do chaidreamh le do mheantaí.

Bí dearfach

Bí cinnte go mbíonn tú cuiditheach i gcónaí i d’aiseolas. Admháil i gcónaí nuair a dhéanann do mheantaí jab maith. Cabhróidh na dearbhuithe beaga seo leo cur lena muinín.

Bí tuisceanach

Ná déan dearmad nach raibh taithí ar bith agat tráth. Timpeallacht oibre nua, tascanna nach bhfuil taithí acu orthu agus comhghleacaithe nua – is féidir leis sin go léir cur le heispéireas strusmhar. Bí cinnte go mothaíonn do mheantaí compordach ag an ionad oibre agus tabhair aghaidh ar aon easpa muiníne a bheadh acu.

Ceannaireacht a thabhairt le dea-shampla

Is léir gur chóir go mbeadh meantóir maith ina eiseamláir freisin. Má tá tú ag súil leis go dtiocfaidh do mheantaí chun na hoibre in am agus go mbeidh siad dírithe i gcónaí ar an obair, ní mór duit déanamh amhlaidh. Bíodh an fostaí ionat ar mian leat a bheith i do mheantaí.

Trí chlár intéirneachta dea-fhorbartha a bheith agat, is féidir mórán buntáistí a bhaint amach, do do ghnó féin agus don intéirneach araon. Féach ar na leideanna atá againn maidir le conas seasamh amach mar fhostóir tosaíochta intéirneach i measc d’iomaitheoirí.

 

Naisc ghaolmhara:

Conas clár iomaíoch intéirneachta a fhorbairt do do chuideachta

 

Léigh tuilleadh:

Laethanta Fostaíochta Eorpacha

Aimsigh Comhairleoirí EURES

Dálaí maireachtála agus oibre i dtíortha EURES

Bunachar Sonraí Post EURES

Seirbhísí EURES le haghaidh fostóirí

Féilire Imeachtaí EURES

Imeachtaí ar Líne a bheidh ar siúl go luath

EURES ar Facebook

EURES ar Twitter

EURES ar LinkedIn