Iżda meta jintemm l-istaġun tas-sajf f’Settembru jew f’Ottubru, parti kbira mill-forza tax-xogħol staġjonali terġa’ tirrikorri għas-Servizz Pubbliku tal-Impjiegi Kroat, b’ħafna ħaddiema jibqgħu mingħajr impjieg sakemm jerġa’ jibda l-istaġun f’Mejju. Għal xi wħud, is-soluzzjoni hija li fix-xitwa jmorru jaħdmu barra minn pajjiżhom.
Ejja nieħdu eżempju ta’ Tomislav Rihter, minn Osijek, fil-Lvant tal-Kroazja. Bis-saħħa tal-esperjenza sostanzjali tax-xogħol u l-għarfien tal-Ġermaniż tiegħu, huwa sab xogħol permezz tal-uffiċċju tal-EURES Osijek matul avveniment ta’ reklutaġġ li sar għall-istaġun tal-iskijjar 2016/2017 fl-Awstrija.
Wara proċess tal-għażla fuq il-post mar-rappreżentanti tas-Servizz Pubbliku tal-Impjiegi Awstrijak (AMS) u l-Kmamar Ekonomiċi, instablu impjegatur f’Oberlech fl-Awstrija.
Hemmhekk, huwa ħadem bħala kok fil-pastiċċerija u kien sodisfatt ħafna bl-esperjenza. “Peress li r-riżorts tal-iskijjar huma mimlija bit-turisti sal-aħħar ta’ April, kellna ħafna xogħol u l-kundizzjonijiet kienu eċċellenti,” qal Tomislav ta’ 42 sena. “Il-kċina tar-ristorant tal-lukanda kienet mgħammra tajjeb u moderna, allura dak kollu li kelli bżonn kien għad-dispożizzjoni tiegħi.
“Ingħatajt kamra ġdida, li kienet spazjuża, imżejna sabiħ u nadifa. Fl-aħħar ta’ ġurnata xogħol, kont inkun fil-paċi u fil-kwiet. Meta tkellimt mal-impjegatur, skoprejt li hemm pjanijiet għal 10 kmamar ġodda u kamra tal-fitness għall-persunal, u dan kollu ser isir sabiex l-impjegati jkunu kuntenti.”
Wara li ntemm l-istaġun tax-xitwa fl-Awstrija, Tomislav irritorna lejn Osijek, u malajr sab impjieg għas-sajf bħala kok f’lukanda fil-gżira ta’ Hvar, fejn huwa jinsab kuntent ukoll.
“Fost il-mistiedna kien hemm kantanti Kroati famużi”, qal, “allura jien kont kuntent li ltqajt magħhom u tgħidx kemm għoġobhom l-ikel tiegħi. U hawnhekk ingħatajt impjieg għall-istaġun tas-sajf fl-2018.”
Il-konsulenta tal-EURES Ivana Šarić, li għenet lil Tomislav fit-tfittxija ta’ xogħol tiegħu, qalet ukoll: “Sabiex ikun hemm ix-xogħol matul is-sena kollha, l-EURES Kroazja stabbilixxa sħubija mal-AMS u mal-EURES Awstrija f’avvenimenti ta’ reklutaġġ għall-istaġun tax-xitwa fl-Awstrija.
“Issa, Tomislav qed jerġa’ jiffoka fuq l-opportunitajiet tal-istaġun tax-xitwa fl-Awstrija, u aħna kuntenti li nistgħu nagħmlu dan l-“istaġun ċirkolari” possibbli għalih, u għal ħafna oħrajn, bis-saħħa tal-kooperazzjoni tajba bejn il-pajjiżi fin-netwerk tal-EURES.”
Links relatati:
Servizz tal-Impjieg Pubbliku Kroat
Servizz Pubbliku tal-Impjiegi Awstrijak (AMS)
Aqra aktar:
Kundizzjonijiet tal-għajxien u x-xogħol f’pajjiżi tal-EURES
Il-Bażi ta’ Data tal-Impjiegi tal-EURES
Servizzi tal-EURES għall-impjegaturi
Il-Kalendarju tal-Avvenimenti tal-EURES
Avvenimenti Online li ġejjin
EURES fuq Facebook
EURES fuq Twitter
EURES fuq LinkedIn
EURES fuq Google+
Dettalji
- Data tal-pubblikazzjoni
- 21 Novembru 2017
- Awturi
- L-Awtorità Ewropea tax-Xogħol | Id-Direttorat Ġenerali tal-Impjiegi, l-Affarijiet Soċjali u l-Inklużjoni
- Temi
- L-aħjar prattika tal-EURES
- Stejjer ta' suċċess
- Sezzjoni(jiet) relatati
- Settur
- Accomodation and food service activities
- Activities of extraterritorial organisations and bodies
- Activities of households as employers, undifferentiated goods- and services
- Administrative and support service activities
- Agriculture, forestry and fishing
- Arts, entertainment and recreation
- Construction
- Education
- Electricity, gas, steam and air conditioning supply
- Financial and insurance activities
- Human health and social work activities
- Information and communication
- Manufacturing
- Mining and quarrying
- Other service activities
- Professional, scientific and technical activities
- Public administration and defence; compulsory social security
- Real estate activities
- Transportation and storage
- Water supply, sewerage, waste management and remediation activities
- Wholesale and retail trade; repair of motor vehicles and motorcycles