Il-mod kif tibni r-reputazzjoni professjonali tiegħek permezz tal-midja soċjali

Dejjem aqra l-artikli qabel ma tikkondividihom

L-artikli fuq l-internet spiss ikollhom titli qarrieqa li l-għan tagħhom huwa sempliċiment li jattiraw il-klikks. Il-qari tal-artikli qabel ma tikkondividihom jippermettilek li tivverifika l-fatti u tiżgura li jippreżentaw fehmiet u informazzjoni li jkun hemm qbil dwarhom minnek jew min-naħa tan-negozju tiegħek. Dan jippermettilek ukoll li tinkludi l-opinjoni professjonali tiegħek fil-post, li tipprovdi informazzjoni intuwittiva utli għas-segwaċi tal-midja soċjali tiegħek.

Kun rilevanti u interessanti

Kun ċert li l-kontenut li tippubblika huwa rilevanti għall-qasam tal-għarfien espert tiegħek u jippreżenta informazzjoni ġdida u interessanti. Tgħabbix is-segwaċi tiegħek b’mod eċċessiv b’informazzjoni żejda. Agħtihom il-ħin biex jassorbu l-posts tiegħek kif ukoll jinteraġixxu magħhom. Jekk il-fokus tiegħek huwa fuq il-kwantità aktar milli fuq il-kwalità, is-segwaċi tiegħek jistgħu jaħsbu li qed tippowstja kontenut sempliċiment biex tkun ippubblikajt, li jirrifletti ħażin fuq ir-reputazzjoni tiegħek.

Messaġġi ta’ tweġiba fil-pront

Li l-messaġġi u l-mistoqsijiet jiġu mwieġba fil-ħin dejjem iħalli impressjoni tajba. Anki jekk ma tistax twieġeb messaġġ mill-ewwel, kun ċert li tibgħat “risposta proviżorja”, bħal “Nirringrazzjak tal-messaġġ tiegħek, nikkuntattjak mill-aktar fis possibbli.”  U kun ċert li żżomm il-wegħda tiegħek!

Uża grammatika tajba

L-utenti tal-midja soċjali rarament jirrikonoxxu post miktub tajjeb, iżda huwa żgur li jinnutaw jekk il-post tiegħek ikollu żbalji ortografiċi u żbalji oħra. Grammatika ħażina tista’ tagħmlek tidher inqas affidabbli u tista’ taffettwa r-reputazzjoni professjonali tiegħek. Dejjem ħu l-ħin biex tiċċekkja l-posts tiegħek għal żbalji – uża software għall-iċċekkjar tal-ortografija jew ara li xi ħadd ieħor jirrevedihom qabel ma tippubblikahom.

Segwi l-hashtags

Li ssegwi hashtags li jkunu bbażati fuq l-interessi professjonali tiegħek jippermettilek li ssib persuni li jikkondividu l-istess ideat, li inti tkun tista’ tinteraġixxi magħhom. Dan huwa mod faċli biex tibni udjenza u tiżviluppa reputazzjoni bħala persuna intuwittiva.

Uża l-listi ta’ Twitter

Il-listi ta’ Twitter jagħmlu l-feed tiegħek maniġġabbli u mmirat. Tista’ tagħżel qasam fejn tixtieq tkun magħruf bħala espert u tibni lista ta’ persuni li jkunu qed jitkellmu dwar dak is-suġġett (ara s-suġġeriment preċedenti dwar il-hashtags hawn fuq). B’dan il-mod, tista’ tiffoka l-attenzjoni tiegħek fuq l-interazzjoni ma’ grupp rilevanti ta’ persuni. Il-listi ta’ Twitter huma partikolarment utli jekk għandek aktar minn qasam wieħed ta’ għarfien espert.

Matul dawn l-aħħar snin, ħafna negozji neħħew il-post tax-xogħol tradizzjonali u ssostitwewh b’modi ġodda u dinamiċi ta’ xogħol u reklutaġġ. Aqra l-artiklu tagħna dwar il-mod kif inbidel it-tiftix għax-xogħol fl-2022.

 

Links relatati:

Kif inbidel it-tiftix għax-xogħol?

 

Aqra aktar:

Il-Jiem Ewropej tal-Impjiegi

Sib Konsulenti tal-EURES

Kundizzjonijiet tal-ħajja u tax-xogħol fil-pajjiżi tal-EURES

Il-Bażi tad-Data tal-Impjiegi  tal-EURES

Is-servizzi tal-EURES għall-impjegaturi

Kalendarju tal-Avvenimenti tal-EURES

Avvenimenti Online li ġejjin

EURES fuq Facebook

EURES fuq Twitter

EURES fuq LinkedIn