Immaġina kieku l-persuna jew il-kariga t-tajba kienet biss għafsa ta’ buttuna ’l bogħod, kemm jekk qed tfittex ix-xogħol ideali li jmiss tiegħek jew jekk qed tfittex ħaddiema tas-sengħa għall-kumpanija tiegħek. Il-Jiem Ewropej tal-Impjiegi (EJDs, European Job Days) ilhom ibiddlu din il-viżjoni f’realtà mill-2011, u jaġixxu bħala pont bejn it-talenti u l-opportunitajiet ta’ karriera madwar l-Ewropa.
Sabiex jiċċelebra l-15-il sena li ilu jlaqqa’ persuni li qed ifittxu impjieg ma’ impjegaturi madwar l-Ewropa, il-EURES qed iniedi l-kampanja, “Ingħaqad mal-Jiem Ewropej tal-Impjiegi” minn issa sal-Milied tal-2026. Din il-kampanja se tenfasizza kif l-EJDs jistgħu jappoġġawk, u b’hekk ikun iż-żmien perfett biex tesplora dak kollu li joffri s-servizz.
L-EJDs joffru aktar minn sempliċement avvenimenti ta’ reklutaġġ; huma pjattaforma ta’ servizz pubbliku li tappoġġa reklutaġġ ġust ta’ impjiegi madwar l-Ewropa. Fi żmien ta’ nuqqas akut ta’ ħiliet u suq tax-xogħol li qed jinbidel b’mod mgħaġġel, il-pjattaforma toffri soluzzjoni unika. Immexxija min-network EURES u appoġġata mill-Awtorità Ewropea tax-Xogħol (ELA, European Labour Authority) u mill-Kummissjoni Ewropea, din tgħaqqad l-effiċjenza diġitali ta’ pjattaforma mal-aspett uman tal-konsulenti esperti tal-karrieri.
In-numri jixhdu dan. Matul dawn l-aħħar 15-il sena, aktar minn 400 000 persuna li qed tfittex impjieg ħadu sehem fit-364 avveniment tal-EJDs, u involvew ruħhom ma’ 14 000 impjegatur minn 32 pajjiż madwar l-Ewropa. Il-parteċipazzjoni f’dawn l-avvenimenti wasslet biex jiġu rreklamati 25 000 post tax-xogħol vakanti , u jiġi ġġenerat l-ammont impressjonanti ta’ 250 000 applikazzjoni. Il-pjattaforma tal-EJDs tiġbor flimkien opportunitajiet f’firxa wiesgħa ta’ setturi, inklużi l-IT, il-kura tas-saħħa, it-turiżmu, il-kostruzzjoni, u aktar.
Għall-persuni li qed ifittxu impjieg, din hija l-passaport għall-Ewropa
Għandek kurżità dwar ix-xogħol barra mill-pajjiż? Tixtieq taħdem fix-xena teknoloġika vibranti ta’ Berlin, fis-settur tal-enerġija rinnovabbli ta’ Copenhagen, jew fl-industrija tal-ospitalità ta’ Madrid? L-EJDs jagħmlu dan possibbli.
Il-pjattaforma tista’ tintuża b’xejn, u hija sikura u sigura. L-avvenimenti ta’ reklutaġġ mhumiex disponibbli biss fuq il-post – tista’ “tattendi” kwalunkwe avveniment ta’ reklutaġġ, iddur eluf ta’ postijiet tax-xogħol vakanti vverifikati u saħansitra jkollok intervisti mal-impjegaturi online, mill-kumdità ta’ darek stess. Jekk m’intix ċert(a) dwar il-proċess, tinkwetax – il-pjattaforma toffri tutorials bil-vidjo dwar kif tirreġistra, tapplika għal impjieg, tiskeda intervisti u tiċċettja mal-impjegaturi.
Għall-impjegaturi, kollezzjoni imprezzabbli taʼ talenti
Qed issibha diffiċli biex issib impjegat għal rwol kritiku? F’ħafna setturi, jista’ jkun diffiċli biex issib kandidati lokali xierqa. L-EJDs joffrulek aċċess b’xejn għal riżerva varjata ta’ kandidati minn madwar l-Ewropa. Tista’ tippowstja postijiet tax-xogħol vakanti, tfittex f’bażi tad-data ta’ CVs u tinvolvi ruħek ma’ persuni li qed ifittxu impjieg li għandhom motivazzjoni reali biex imorru jgħixu f’pajjiż ieħor għax-xogħol.
Il-pjattaforma tappoġġa wkoll reklutaġġ ġust u trasparenti, billi tgħinek issib kandidati li mhux biss għandhom il-ħiliet it-tajba, iżda li wkoll jaqblu mal-kultura tal-kumpanija tiegħek. Minn ħaddiema staġjonali għal professjonisti għolja, l-EJDs jagħmluha aktar faċli għalik biex tikkomunika ma’ firxa wiesgħa ta’ talenti li l-Ewropa għandha x’toffri.
Kif qal reċentement Cosmin Boiangiu, id-Direttur Eżekuttiv tal-ELA: “Matul dawn l-aħħar 15-il sena, l-avvenimenti tal-Jiem Ewropej tal-Impjiegi biddlu l-ħajja ta’ ħafna persuni li qed ifittxu impjieg u tejbu t-tqabbil tal-ħiliet għal eluf ta’ kumpaniji, b’aċċess faċli. Dan huwa reklutaġġ trans-Ewropew online faċli u ġust!”
Qed tfittex li tiltaqa’ ma’ talenti jew li ssib l-opportunità li jmiss tiegħek fl-Ewropa? Iċċekkja l-Jiem Ewropej tal-Impjiegi li ġejjin! U tinsiex tuża #EuropeanJobDays fuq il-media soċjali biex iżżomm ruħek aġġornat(a) dwar l-attivitajiet riċenti kollha.
Links relatati:
Aqra aktar:
Il-kundizzjonijiet tal-għajxien u tax-xogħol fil-pajjiżi tal-EURES
Bażi tad-data tal-Impjiegi tal-EURES
Is-servizzi tal-EURES għall-impjegaturi
Il-Kalendarju tal-Avvenimenti tal-EURES
Avvenimenti Online li ġejjin
Il-EURES fuq Facebook
Il-EURES fuq Twitter
Il-EURES fuq LinkedIn
Dettalji
- Data tal-pubblikazzjoni
- 31 Marzu 2026
- Awturi
- L-Awtorità Ewropea tax-Xogħol | Id-Direttorat Ġenerali tal-Impjiegi, l-Affarijiet Soċjali u l-Inklużjoni
- Temi
- Negozju/Intraprenditorija
- Ideat u Suġġerimenti
- Aħbarijiet dwar is-suq tax-xogħol/aħbarijiet dwar il-mobilità
- Aħbarijiet/rapporti/statistika
- Żgħażagħ
- Sezzjoni(jiet) relatati
- Is-Servizzi tal-EURES
- Għajnuna u appoġġ
- Ideat u Suġġerimenti
- L-Għajxien u x-Xogħol
- Settur
- Accomodation and food service activities
- Activities of extraterritorial organisations and bodies
- Activities of households as employers, undifferentiated goods- and services
- Administrative and support service activities
- Agriculture, forestry and fishing
- Arts, entertainment and recreation
- Construction
- Education
- Electricity, gas, steam and air conditioning supply
- Financial and insurance activities
- Human health and social work activities
- Information and communication
- Manufacturing
- Mining and quarrying
- Other service activities
- Professional, scientific and technical activities
- Public administration and defence; compulsory social security
- Real estate activities
- Transportation and storage
- Water supply, sewerage, waste management and remediation activities
- Wholesale and retail trade; repair of motor vehicles and motorcycles