- An bhfuil iarrthóirí tréitheacha á lorg agat ó gach cearn den Eoraip chun bheith ar d’fhoireann?
- An bhfuil tú réidh le tús a chur le gairm nua thar lear agus le teagmháil a dhéanamh le fostóirí idirnáisiúnta?
Leis na Laethanta Fostaíochta Eorpacha (EJDanna), is féidir leat an dá thrá a fhreastal – gach rud san aon áit amháin.
Mar sheirbhís phoiblí Eorpach saor in aisce, tá an t‑ardán EJD deartha chun earcaíocht thrasnáisiúnta agus trasteorann a dhéanamh simplí, trédhearcach agus inrochtana.
Agus an t‑ardán digiteach dinimiciúil comhcheangailte le fíorthacaíocht ón duine in 31 tír, is mó atá i gceist leis an ardán EJD ná gnáthaonach fostaíochta ar líne.
Ó seoladh iad in 2011, tá borradh curtha faoi líon gan áireamh de ghairmeacha agus cuideachtaí a bhuíochas de EJDanna. Seo a leanas roinnt de na príomhfhigiúirí a ghabhann leo:
Is cuma más ag brabhsáil folúntas, ag freastal ar chur i láthair beo nó ag cur iarrthóirí féideartha faoi agallamh ar líne atá tú, le gach EJD tugtar eispéireas pearsantaithe duit le tacaíocht ó shaineolas líonra EURES.
Lean an leathanach seo chun nuashonruithe agus nuacht maidir leis an bhfeachtas a fháil, agus bí nasctha ar mheáin shóisialta EURES ach úsáid a bhaint as #EuropeanJobDays. Tabhair cuairt freisin ar ardán EJD chun eolas a fháil ar imeachtaí atá ar na bacáin – agus ná caill do sheans páirt a ghlacadh iontu!
An nuacht is déanaí
Ag bogadh go Ballstát eile le haghaidh poist? Ná lig do chostais fholaithe teacht aniar aduaidh ort. Seo do threoir riachtanach chun bheith in ann teacht slán ó thaobh airgeadais de, gan beann ar an gceist a bheadh agat – bíodh sí bainteach le héarlaisí fóntais nó do chéad duillín pá, mar shampla, nó ná bíodh.
Bia a sheachadadh, daoine a thiomáint ó A go B nó obair ar bhonn neamhspleách a dhéanamh ar líne? D’fhéadfadh rialacha nua de chuid an Aontais do stádas a athrú, leas as sochair fostaithe a chur ar fáil agus deireadh a chur le cinntí algartamacha éagóracha.
Bhain Nerea Barroso Clarós a huaillmhian amach maidir le bheith ag obair thar lear nuair a d’aistrigh sí ó Barcelona go réigiún Réine-Westphalia Thuaidh na Gearmáine le tacaíocht ó Scéim Soghluaisteachta Spriocdhírithe EURES (TMS).
Imeachtaí atá ar na bacáin
- A bhaineann le
- #EuropeanJobDays
- Cross-border partnerships
- European (Online) Job Days
- Jobseekers
- Living & Working
Comhpháirtithe feachtais
Chun an tionchar is mó is féidir a imirt ar fud 31 tír, teastaíonn do thacaíocht uainn. Áirítear leis sin Comhairleoirí EURES, Oifigí Comhordaithe Náisiúnta, cumainn tráchtála, cónaidhmeanna fostóirí, eagraíochtaí poiblí atá gníomhach i réimse na fostaíochta, comhpháirtithe sóisialta, seirbhísí fostaíochta príobháideacha, agus gníomhaithe sa mhargadh saothair neamhbhrabúis, ach níl sé teoranta dóibh sin amháin.
Le linn thréimhse an fheachtais, bí ag súil le sraith imeachtaí tarraingteacha eolais agus earcaíochta. Ina measc siúd beidh tionscnaimh a mbeidh tionchairí páirteach iontu, imeachtaí ar na meáin shóisialta, agus gníomhaíochtaí ar na meáin sheanbhunaithe i roinnt tíortha, agus go leor eile.
Conas is féidir leatsa a bheith páirteach san fheachtas?
Molaimid duit páirt ghníomhach a ghlacadh san fheachtas seo. Cabhraigh linn an teachtaireacht a scaipeadh ach í a roinnt le do chomhghleacaithe, do líonraí, do chairde agus do mhuintir, agus ach í a chur chun cinn ar do shuíomhanna gréasáin, i do nuachtlitreacha agus ar do chainéil meán sóisialta.
Lean EURES ar na meáin shóisialta ag úsáid#EuropeanJobDays, glac páirt in imeachtaí an fheachtais, agus roinn do scéalta, do ghrianghraif agus d’eispéiris linn.
Ábhair feachtais