Actiris International, f’kollaborazzjoni mal-EURES, jipprovdi appoġġ speċjalizzat lil kumpaniji barra mill-pajjjiż interessati li jirreklutaw persuni li qed ifittxu impjieg minn Brussell. Actiris International jipprovdi appoġġ ta’ kwalità għolja lill-impjegaturi li joffru opportunitajiet ta’ xogħol jew taħriġ prattiku.
Fil-bidu tal-2016, huwa żviluppa servizz ġdid imfassal apposta għall-impjegaturi internazzjonali li jirreklutaw barra mill-pajjiż: Select International. L-istess bħal ma tagħmel aġenzija ta’ kollokament, Select International jieħu ħsieb il-preselezzjoni ta’ kandidati kwalifikati fi Brussell, immirati għall-ħtiġijiet ta’ impjegaturi barra mill-pajjiż. Huwa joffri servizz mingħajr ħlas u adattat għall-użu, b’konsulent speċifiku ddedikat għall-proġett.
Actiris International jista’ jorganizza wkoll jum tal-impjiegi speċjalizzat, f’każ li jkun hemm aktar minn sitt pożizzjonijiet vakanti. L-offerti ta’ impjiegi jiġu ppubblikati fuq is-sit web ta’ Actiris u l-portal tal-EURES, u l-konsulenti jadottaw approċċ proattiv billi jistiednu lil kandidati potenzjali identifikati fil-bażi tad-data intern tagħhom.
Għall-impjegaturi bbażati fi Brussell u li jkunu qed jiffaċċjaw nuqqas ta’ ħaddiema, Actiris International qed joffri servizz li għadu ser jiġi introdott, li permezz tiegħu jista’ jipprovdi lista ta’ preselezzjoni ta’ kandidati kwalifikati fl-UE.
“L-assi ewlenin tal-kandidati ta’ Brussell għall-mobbiltà internazzjonali huma l-għarfien li għandhom ta’ lingwi barranin, mill-Ingliż għall-Pollakk, u l-fatt li huma miftuħa għax-xogħol u l-ħajja barra mill-pajjiż,” tgħid Jessica Mathy, kap tal-Unità Internazzjonali tal-Impjieg fi ħdan Actiris.
Dan id-dipartiment speċjalizzat – parti min-netwerk tal-EURES – joffri appoġġ adattat skont l-użu u pass, pass lill-kumpaniji, mill-kjarifika ta’ reklam ta’ impjieg sal-preselezzjoni ta’ kandidati xierqa. Actiris International jieħu ħsieb il-preselezzjoni u l-iskrinjar ta’ kandidati potenzjali, u jwiegħed li jippreżenta l-kandidati magħżula lill-impjegatur fi żmien tliet ġimgħat.
Actiris International Il-Konsulenti tal-Mobbiltà huma wkoll Konsulenti tal-EURES, u dawn huma speċjalizzati fir-reklutaġġ internazzjonali. Permezz tan-netwerk dawn jistgħu jaqsmu opportunitajiet ta’ xogħol ma’ kollegi minn madwar it-30 pajjiż affiljat.
“Aħna nikkollaboraw ma’ ħafna kumpaniji bbażati barra mill-pajjiż, minn SMEs għal oħrajn multinazzjonali, inkluż fis-settur mingħajr skop ta’ qligħ,” tgħid Jessica. “Il-pajjiżi u s-setturi li naħdmu magħhom huma varjati. Aħna poġġejna speċjalisti fil-kura tal-konsumatur fil-Bulgarija, fil-kumpanija Euroccor, konsulent tal-appoġġ tekniku fl-Irlanda għal Apple, żviluppaturi tan-negozju fir-Renju Unit għal EnergyFrance, maniġer tal-proġetti għal Sogerom fil-Lussemburgu, assistent tal-HR f’Bimbamjob fi Franza, u oħrajn.”
Links relatati:
EURES Job Mobility Portal – “Find Candidates” – Vidjo tat-Tutorial
Aqra aktar:
Il-kundizzjonijiet tax-xogħol u l-għajxien fil-pajjiżi tal-EURES
Il-Bażi ta’ Data tal-Impjiegi tal-EURES
Is-servizzi tal-EURES għall- impjegaturi
Il-Kalendarju tal-Avvenimenti tal-EURES
Avvenimenti Online li ġejjin
L-EURES fuq Facebook
L-EURES fuq Twitter
L-EURES fuq LinkedIn
Dettalji
- Data tal-pubblikazzjoni
- 20 Diċembru 2017
- Awturi
- L-Awtorità Ewropea tax-Xogħol | Id-Direttorat Ġenerali tal-Impjiegi, l-Affarijiet Soċjali u l-Inklużjoni
- Temi
- Negozju/Intraprenditorija
- L-aħjar prattika tal-EURES
- Aħbarijiet dwar is-suq tax-xogħol/aħbarijiet dwar il-mobilità
- Aħbarijiet/rapporti/statistika
- Xejriet ta' reklutaġġ
- Sezzjoni(jiet) relatati