Conas Laethanta Fostaíochta Eorpacha a úsáid chun fostaíocht a aimsiú thar lear

Má smaoinigh tú riamh ar dhul ag obair i dtír eile, agus mura bhfuil tú cinnte conas an post ceart a aimsiú, tá Laethanta Fostaíochta Eorpacha oiriúnach duitse. Is féidir leat do chuid scileanna a roinnt le fostóirí ó gach cearn den Eoraip gan an baile a fhágáil ag imeachtaí ar líne a eagraítear go rialta tríd an  láithreán gréasáin Laethanta Fostaíochta Eorpacha. Féadfaidh tú teagmháil a dhéanamh le fostóirí in go leor earnálacha, idir earnáil na míochaine agus earnáil na turasóireachta, ar féidir leo iad féin a chlárú leis an tseirbhís chun na mílte CV a fheiceáil saor in aisce. “Cé acu an raideolaí le taithí thú nó duine óg atá ag lorg eachtraíochta i dtír eile, d’fhéadfadh rud éigin a bheith ar fáil duit trí Laethanta Fostaíochta na hEorpa,” a shonraítear ar an suíomh gréasáin. Tá an tseirbhís á reáchtáil ag EURES agus ag an gCoimisiún Eorpach.

Laethanta Fostaíochta Eorpacha: na huimhreacha

• 8,600+ fostóir agus 82,500+ fostaí ionchasach cláraithe le haghaidh imeachtaí ar líne agus/nó as líne
• 174,000+ iarratas ar phoist curtha isteach
• 35,300 tairiscint poist déanta

Tá méadú á chur ar na huimhreacha seo gach lá. Bhain na mílte saoránach de chuid an Aontais, chomh maith leis na tíortha LEE agus an Eilvéis, úsáid as Laethanta Fostaíochta Eorpacha chun taithí a fháil ar an saol agus ar an obair lasmuigh de theorainneacha a dtír dhúchais. Conas is féidir leat déanamh amhlaidh?

Conas a bheith páirteach ann

Is céad chéim úsáideach í clárú ar an suíomh gréasáin. Le linn an phróiseas clárúcháin, is féidir leat clárú le haghaidh imeachtaí ar mhaith leat páirt a ghlacadh iontu agus do CV a uaslódáil.

Imeachtaí ar líne atá le teacht i mí Feabhra agus i mí an Mhárta:

• Déan é sa Ghearmáin 2024 (29 Feabhra)
• Poist Turasóireachta & Fáilteachais san Iorua (13 Márta)
• Focail na Fionlainne (20 Márta)
• Obair TF i bhFlóndras (26 Márta)

Ag breathnú níos faide amach romhainn, tá imeachtaí sceidealaithe suas go dtí mí Dheireadh Fómhair 2024. Cuardaigh an t‑imeacht is ábhartha duit. Nuair a bheidh tú cláraithe, is féidir leat an suíomh gréasáin a úsáid freisin chun iarratais a chur isteach ar phoist agus agallaimh a sceidealú.

An méid a bheith ag súil leis

Go hiondúil, is éard a bhíonn i gceist le gach lá poist ar líne ná cur i láthair ar dhálaí oibre agus maireachtála i dtíortha éagsúla, comhairle ar conas CV a chruthú don mhargadh, agus is féidir leat cloisteáil freisin ó fhostóirí a bhíonn ag roinnt eolais faoina ngnó agus na deiseanna fostaíochta atá á dtairiscint acu.

Is féidir le cuardaitheoirí poist a gcuid ceisteanna a chur go díreach ar fhostóirí trí chomhrá beo agus trí agallaimh a sceidealú. Tá comhairle ar fáil do chuardaitheoirí poist – agus d’fhostóirí – trí fhíseáin teagaisc ar an suíomh Gréasáin, cuid ar Cheisteanna Coitianta, agus ó Dheasc Cabhrach EURES chomh maith.

Ar léarscáil idirghníomhach ar an leathanach baile, taispeántar na poist atá ar fáil faoi láthair i dtíortha éagsúla, agus áirítear le go leor cé mhéad is féidir le hiarratasóirí a bheith ag súil a thuilleamh. Tráth scríofa an ailt seo, bhí ní ba mhó ná 200 post ar fáil sa Ghearmáin, mar shampla, agus 180 post sa Phortaingéil – á dtairiscint ag fostóirí i dtionscail lenar áiríodh fáilteachas, turasóireacht agus déantúsaíocht, agus bhíothas ag earcú le haghaidh róil a bhí chomh héagsúil le fáilteoirí, cócairí, innealtóirí agus anailísí airgeadais.

Agus go leor deiseanna ar fáil, is mithid na roghanna atá ar fáil a fhiosrú, cibé an bhfuil tú ag smaoineamh ar shamhradh thar lear nó ar aistriú gairme níos fadtéarmaí. Is féidir leat an láithreán gréasáin EURES a úsáid freisin chun tuilleadh eolais a fháil faoi bheith i do chónaí agus faoi bheith ag obair i mBallstáit éagsúla de chuid an Aontais.

Tabhair cuairt ar an suíomh gréasáin Laethanta Fostaíochta Eorpacha chun iniúchadh a dhéanamh ar imeachtaí agus deiseanna fostaíochta atá le teacht.

 

 

Naisc ghaolmhara:

Laethanta Fostaíochta Eorpacha

Leathanach clárúcháin Laethanta Fostaíochta Eorpacha

Téigh i dteagmháil le Deasc Chabhrach EURES

 

Léigh tuilleadh:

Laethanta Fostaíochta Eorpacha

Aimsigh Comhairleoirí EURES​

Dálaí maireachtála agus oibre i dtíortha EURES

Bunachar Sonraí Post EURES

Seirbhísí EURES le haghaidh fostóirí

Féilire Imeachtaí EURES

Imeachtaí ar Líne a bheidh ar siúl go luath

EURES ar Facebook

EURES ar Twitter

EURES ar LinkedIn

EURES ar Instagram