Svona getur starfsnám orðið upphafið að starfsferlinum þínum

Prófaðu starfsferil sem þú hefur áhuga á

Við vitum ekki öll við hvað við viljum starfa að námi loknu. Hvort sem þú ert enn að velta fyrir þér við hvað þú viljir starfa eða ef námið þitt var mjög almenns eðlis getur starfsnám erlendis verið frábært tækifæri til að prófa hvort tiltekinn starfsferill henti þér. Í framandi landi og utan þægindarammans getur þú einbeitt þér betur að vinnunni. Þannig færðu betri hugmynd um hvort þú viljir halda áfram á sömu braut eða ekki.

Þegar þú veltir fyrir þér starfsnámi erlendis ættir þú að hugsa um færni þína, bakgrunn og við hvað þér finnist gaman að starfa við. Gleymdu ekki að EURES ráðgjafarnir okkar eru til staðar til að hjálpa þér við allar spurningar, sem kunna að brenna á þér, um starfsnám erlendis. Þeir geta veitt þér ráð um hvernig þú getir fundið starfsnám, hjálpað við umsóknina og starfsviðtal og hugsanlega styrki (ef í boði).

Aflaðu þér nýrrar færni

Eitt það besta við starfsnám erlendis er að þú lærir fjölmargt sem býr þig undir vinnumarkaðinn. Ekki bara færðu tækifæri til að læra hluti sem tengjast vinnu þinni heldur einnig almenna færni, sem nýtist þér í starfi, eins og forgangsröðun verka, tímastjórnun og framkomu í starfi. Ef þú ert í landi þar sem þú þarft að tala erlent tungumál færðu líka tækifæri til að bæta tungumálakunnáttu þína. Að síðustu ættir þú ekki að gleyma að nefna tiltekin verkfæri eða forrit, sem þú lærðir að nota í starfsnáminu, þegar þú uppfærir ferilskrána þína.

Stækkaðu heimssýnina

Ekkert víkkar sjóndeildarhringinn meira en meðallöng eða langvarandi dvöl erlendis. Starfsnám í öðru landi kennir þér fjölmarga aðra hluti en bara starfstengda. Dvöl í öðru landi eflir sjálfstæði þitt og sjálfstrú. Slík reynsla getur eflt sjáfstraust þitt og útsjónarsemi. Samtal við fólk með annan bakgrunn eflir einnig samskiptahæfni þína. Sjálfstæði, útsjónarsemi, frumkvæði, menningarvitund og samskipti – þetta er allt færni sem gera þig ekki bara að betri einstaklingi heldur einnig betri starfsmanni.

Efldu ráðningarhæfi þitt

Með starfsnámi erlendis ertu þegar skrefi á undan jafningjum þínum. Starfsnám veitir þér ekki bara viðeigandi fagreynslu og hafsjó af gagnlegri færni heldur sýnir sú staðreynd að það fór fram í öðru landi að þú búir yfir sérstakri elju og þrautseigju. Það eru allt þættir sem hjálpa ferilskránni þinni að bera af öðrum umsækjendum þegar þú sækir um fyrsta starfið.

Stækkaðu faglega tengslanetið þitt

Starfsnámið mun líklega kynna þig fyrir öðrum á sama starfssviði. Ekki missa af slíku tækifæri til að kynna þig og koma vel fyrir og segja þeim frá framtíðaráætlunum þínum í starfi. Þú veist aldrei hvar þú finnur draumastarfið. Vertu líka viss um að tengjast þeim á LinkedIn svo þið getið haldið sambandi eftir starfsnámið.

Kynntu þér mismunandi starfsnámstækifæri í boði fyrir ungt fólk í ESB.

Í samstarfi við EURES, Vefgátt um flæði vinnuafls í Evrópu.

Tengdir hlekkir:

Spjallaðu á netinu við EURES ráðgjafa

Evrópuár ungmenna: Starfsþjálfun

Nánari upplýsingar:

Evrópskir atvinnudagar

Finna EURES ráðgjafa ​

Atvinnu- og búsetuskilyrði í EURES-löndum

Vinnugagnagrunnur EURES

Þjónusta EURES fyrir vinnuveitendur

Viðburðadagatal EURES

Næstu viðburðir á Netinu

EURES á Facebook

EURES á Twitter

EURES á LinkedIn