Iffinanzjat bl-appoġġ tal-programm Erasmus+, il-proġett 3D-Help beda f’Novembru 2017. “L-għan ewlieni tal-proġett huwa li jagħmel lill-adulti aktar kompetenti fil-qasam tat-teknoloġiji diġitali,” tispjega Lucie Marková, mill-Aġenzija Ewropea għall-Iżvilupp. “Aħna qed nipproduċu kurrikuli u kontenut tal-korsijiet innovattivi li jiffukaw fuq l-istampar 3D. Dawn ir-riżorsi se jagħtu lill-adulti ħiliet speċifiċi relatati mal-ICT, l-inġinerija u t-teknoloġija, u huma b’xejn u miftuħin għal kulħadd.”
L-Aġenzija Ewropea għall-Iżvilupp mir-Repubblika Ċeka hija s-sieħeb ewlieni fil-proġett, filwaqt li sħab oħra jinkludu SC Ludor Engineering SRL mir-Rumanija, Macdac Engineering Consultany Bureau Ltd. (Malta), il-Fond għall-Innovazzjoni Soċjali (il-Litwanja) u Strojarska tehnička škola Fausta Vrančića (il-Kroazja). Din it-taħlita ta’ kompetenzi minn Stati Membri differenti tal-UE hija parti importanti ta’ 3D-Help.
“Il-proġett jitwettaq b’mod transnazzjonali minħabba li jagħmilha possibbli għal sħab minn pajjiżi differenti b’kompetenzi komplementari u interess fit-taħriġ tal-adulti li jingħaqdu,” taqsam magħna Lucie. “Huma jistgħu jiskambjaw l-għarfien, l-aħjar prattiki u r-riżorsi tagħhom biex jikkontribwixxu għall-iżvilupp tal-għodod ta’ taħriġ.”
L-għodod ta’ taħriġ li ssemmi Lucie jinkludu linji gwida dwar l-użu tal-istampar 3D fl-edukazzjoni għall-adulti, studji tal-każ tal-istampar 3D għall-edukazzjoni għall-adulti, il-kurrikulu għal kors tal-istampar 3D għall-adulti, gwida għal min iħarreġ tal-istampar 3D u sistema ta’ tagħlim elettroniku għat-taħriġ għall-adulti. Il-fornituri tal-edukazzjoni għall-adulti fl-UE se jkunu jistgħu jużaw l-għodod biex jiżviluppaw l-għarfien u l-ħiliet tagħhom stess – u jgħaddu dak it-tagħlim lill-oħrajn.
“Nistennew li bl-għajnuna tal-proġett edukaturi kwalifikati se jimmotivaw għadd kbir ta’ parteċipanti biex jiżviluppaw il-ħiliet u l-kompetenzi tagħhom, u jipparteċipaw b’mod aktar attiv fit-tagħlim.”
3D-Help għandu għadd ta’ għanijiet ċari qabel ma l-proġett jintemm f’Ottubru 2019. “Madwar 2,500 persuna se jirċievu bullettini tal-proġett,” tgħid Lucie, “u 1,000 persuna se jirċievu fuljett li jiddeskrivi l-proġett. B’kollox, 240 persuna se jipparteċipaw f’ħames workshops prattiċi mfassla għall-gruppi fil-mira. U minimu ta’ 500 persuna mill-UE se jiġu rreġistrati fil-kors ta’ tagħlim elettroniku ta’ 3D-Help.”
Hemm ukoll pjanijiet biex jiġi organizzat workshop f’kull wieħed mill-ħames pajjiżi fl-aħħar tal-proġett għall-esperti, għall-ħarrieġa u l-fornituri tal-edukazzjoni għall-adulti. Dawn il-workshops se jintużaw biex jaqsmu dak li tgħallmu bejniethom u jxerrdu s-sett ta’ għodod, filwaqt li l-parteċipanti se jingħataw l-opportunità li jinteraġixxu ma’ dawk li jħarrġu, jaraw stampaturi 3D jitħaddmu u jittestjaw direttament il-materjali ta’ taħriġ.
“L-Ewropa tinsab fl-istadji bikrija tar-raba’ rivoluzzjoni industrijali, li għandha l-għan li tisfrutta t-teknoloġiji diġitali sabiex jittejbu l-livelli ta’ produttività u tkabbir,” tikkonkludi Lucie . “Dan il-proġett qed jgħin biex l-adulti jsiru aktar kompetenti f’teknoloġiji diġitali bħal dawn u jippermettilhom ilaħħqu mal-industrija tal-istampar 3D li qed tikber b’rata mgħaġġla.”
Links relatati:
Il-paġna ta’ Facebook tal-Proġett
Aqra aktar:
Kundizzjonijiet tax-xogħol u l-għajxien fil-pajjiżi tal-EURES
Id-database tal-Impjiegi tal-EURES
Is-servizzi tal-EURES għall-impjegaturi
Il-Kalendarju tal-Avvenimenti tal-EURES
Avvenimenti Onlineli ġejjin
L-EURES fuq Facebook
L-EURES fuq Twitter
L-EURES fuq LinkedIn
Dettalji
- Data tal-pubblikazzjoni
- 12 April 2019
- Awturi
- L-Awtorità Ewropea tax-Xogħol | Id-Direttorat Ġenerali tal-Impjiegi, l-Affarijiet Soċjali u l-Inklużjoni
- Temi
- Aħbarijiet esterni tal-EURES
- Partijiet interessati esterni
- Aħbarijiet/rapporti/statistika
- Xejriet ta' reklutaġġ
- Settur
- Accomodation and food service activities
- Activities of extraterritorial organisations and bodies
- Activities of households as employers, undifferentiated goods- and services
- Administrative and support service activities
- Agriculture, forestry and fishing
- Arts, entertainment and recreation
- Construction
- Education
- Electricity, gas, steam and air conditioning supply
- Financial and insurance activities
- Human health and social work activities
- Information and communication
- Manufacturing
- Mining and quarrying
- Other service activities
- Professional, scientific and technical activities
- Public administration and defence; compulsory social security
- Real estate activities
- Transportation and storage
- Water supply, sewerage, waste management and remediation activities
- Wholesale and retail trade; repair of motor vehicles and motorcycles