Jekk qed tfittex impjieg f’wieħed mill-31 pajjiż tal-EURES, ġejt fil-post it-tajjeb.
In-network tal-EURES se jipprovdilek is-soluzzjonijiet li teħtieġ biex taħdem u tiċċaqlaq barra minn pajjiżek, qabel, matul u wara t-tiftix ta’ impjieg tiegħek. Hemm firxa komprensiva ta’ servizzi disponibbli biex jindirizzaw kull aspett tal-għajxien u tax-xogħol barra mill-pajjiż. Il-parti l-kbira ta’ dawn is-servizzi huma mingħajr ħlas.
Dawn jinkludu gwida għall-karriera u appoġġ biex tagħmel is-CV tiegħek. Barra minn hekk, tingħata assistenza biex tgħinek issib l-aħjar offerti ta’ impjieg li jaqblu mal-ħiliet tiegħek. Il-vidjokonferenzi għall-intervisti jistgħu jiġu ffaċilitati wkoll. Tista’ tikseb informazzjoni dwar is-suq tax-xogħol Ewropew, flimkien ma’ pariri legali u ta’ sigurtà soċjali.
Jiġu organizzati wkoll fieri tal-impjiegi transnazzjonali uniċi online, u dawn jistgħu joffru gwida dwar it-taħriġ, it-tagħlim tal-lingwi u l-opportunitajiet ta’ finanzjament – biex insemmu biss ftit minnhom! Ibda billi kklikkja l-għażla t-tajba għalik hawn taħt.
Ikseb appoġġ biex issib impjieg
Din it-taqsima hija indirizzata għal dawk li qegħdin ifittxu x-xogħol mis-setturi tal-università u l-politeknik u dawk li b’mod ġenerali għandhom kwalifiki ogħla: studenti, gradwati, għalliema u riċerkaturi. Minħabba li ċerti setturi tax-xogħol huma mfittxija f’pajjiżi partikolari tal-UE, dawk il-persuni bi kwalifiki għoljin li jkunu qegħdin ifittxu x-xogħol għandhom ċansijiet tajbin li jsibu xogħol barra l-pajjiż.
Jekk tippjana li tibda karriera professjonali, issib xogħol ġdid jew tikseb opportunità ta’ taħriġ f’pajjiż ieħor taż-Żona Ekonomika Ewropea (ŻEE) u/jew fl-Iżvizzera, jekk jogħġbok agħti ħarsa lejn is-sezzjonijiet ta’ hawn taħt.
The latest EURES news for jobseekers
Għandek ’il fuq minn 50 sena u qed taħseb jekk għaddewx l-aħjar jiem tax-xogħol tiegħek? Il-pajjiżi tal-UE qed jagħmlu sforzi biex iżommu lin-nies akbar fl-età fil-forza tax-xogħol, u dan juri li l-età m’għandhiex tkun ostaklu għal karriera twila u sodisfaċenti.
L-era ta’ dak kollu li huwa diġitali nfirxet fuq il-post tax-xogħol, u ġabet magħha l-aktar ħabiba jew għadu ġdid tagħna: L-IA, dik li nħobbu nobogħdu. Qiegħda hawn biex tgħinna jew tikkomplika l-ħajja tax-xogħol tagħna?
Il-persuni b’diżabilità diġà jiffaċċjaw sfidi ta’ kuljum, iżda x-xogħol m’għandux ikun waħda minnhom. Irrispettivament minn x’inhuma l-ħtiġijiet individwali tiegħek, l-EURES jista’ jgħinek issib opportunitajiet ta’ xogħol li jaqblu mal-ħiliet tiegħek.