Kynnum European Job Days-appið, nú fáanlegt í App Store og Google Play

European Job Days kynnir nú sitt fyrsta sérhannaða smáforrit sem gerir þér kleift að fylgjast með viðburðum og tækifærum hvar sem þú ert.

Hvort sem þú ert að kanna nýjar starfsleiðir eða leitar að næsta starfi getur European Job Days-appið stutt þig í gegnum allt atvinnuleitarferlið: allt frá því að finna störf sem henta þér til þess að bóka netviðtöl við væntanlega vinnuveitendur.

Hvernig á að nota European Job Days-appið

Smáforritið er hannað til að styðja við núverandi vef European Job Days og færir þjónustu EURES nær þér. Þannig geturðu auðveldlega fundið og sótt um tiltekin störf, haft samband við vinnuveitendur og tekið þátt í netviðburðum, hvar sem þú ert.

Þegar þú býrð til notandasnið geturðu hlaðið upp ferilskránni þinni og notað hana til að sækja beint um þau störf sem eru í boði. Umsóknum um störf merkt EURES er hins vegar skilað með tölvupósti og því þarftu að hengja ferilskrána við hverja umsókn fyrir sig.

Ef þú ert nú þegar með European Job Days-aðgang skráirðu þig einfaldlega inn í smáforritið með sömu innskráningarupplýsingum. Þú getur notað sama notandasnið fyrir atvinnuumsóknir, netviðburði, spjall í beinni og samskipti við vinnuveitendur.

Leitaðu að lausum störfum sem samræmast reynslu þinni og áhugasviði og síaðu niðurstöðurnar. Þú getur síað störf eftir viðmiðum á borð við starfsgrein, menntun, tungumálakunnáttu og starfsreynslu.

Finndu tækifæri sem henta notandasniðinu þínu. Smáforritið sýnir hversu vel notandasniðið þitt samræmist kröfum um tiltekið starf og hjálpar þér þannig að finna störf sem henta hæfni þinni og reynslu betur.

Fylgstu með umsóknunum þínum og fáðu boð í netviðtöl. Þar sem það er í boði geturðu valið tíma sem hentar þér og bókað viðtalið beint í smáforritinu.

Sérsniðnar tilkynningar um störf og uppfærslur hjálpa þér að fylgjast með störfum sem henta þér, komandi viðburðum og nýjum tækifærum, svo þú getir haldið atvinnuleitinni áfram hvar sem þú ert.

Ertu enn óviss um hvar þú átt að byrja? Horfðu á stutta kennslumyndbandið okkar til að sjá hvernig European Job Days-smáforritið virkar og kynnast helstu eiginleikum þess.

Viltu taka næsta skref á starfsferlinum?

European Job Days-smáforritið er ókeypis opinber þjónusta í Evrópu sem styður hreyfanleika launafólks með því að auðvelda aðgang að atvinnutækifærum um alla Evrópu.

Á öllum stigum starfsferilsins getur smáforritið veitt þér þau verkfæri og þann stuðning sem þú þarft til að taka næsta skref.

Sæktu European Job Days-smáforritið fyrir iOS eða Android og byrjaðu að kanna ný atvinnutækifæri strax í dag!

Tengdir hlekkir:

Leiðarvísir atvinnuleitenda um störf í Evrópu

Nánari upplýsingar:

Evrópskir atvinnudagar

Finna Eures-ráðgjafa

Atvinnu- og búsetuskilyrði í Eures-löndum

Atvinnugagnagrunnur EURES

Þjónusta EURES fyrir vinnuveitendur

Viðburðadagatal EURES

Næstu viðburðir á netinu