Mur għall-kontenut ewlieni
EURES (EURopean Employment Services)
Artiklu tal-aħbarijiet22 Diċembru 2021L-Awtorità Ewropea tax-Xogħol, Id-Direttorat Ġenerali tal-Impjiegi, l-Affarijiet Soċjali u l-Inklużjoni3 min qari

Kif trawwem il-benesseri fost l-impjegati wara l-COVID-19

Il-benesseri kien suġġett li sar dejjem aktar popolari matul il-pandemija hekk kif l-impjegati madwar id-dinja esploraw bilanċ ġdid bejn ix-xogħol u l-ħajja privata filwaqt li jaħdmu mid-dar. Aqra l-aqwa ħames suġġerimenti tagħna biex jiġi żgurat li l-persunal ikun sikur u b’saħħtu wara l-kriżi.

How to foster wellbeing among employees post COVID-19
How to foster wellbeing among employees post COVID-19
EURES
  1. Kun ċert li l-impjegati tiegħek iħossuhom sikuri

Ħafna nies huma mbeżżgħin dwar ir-riskji involuti meta joħorgu mid-dar u jkunu madwar gruppi kbar ta’ nies wara l-pandemija. Huwa importanti li mhux biss l-impjegati tiegħek jiġu assigurati, iżda li jiġu żgurati l-protokolli t-tajba sabiex iħossuhom sikuri meta jaħdmu u jżuru l-post tax-xogħol. Dan jista’ jinkludi sistema ta’ riservazzjoni ta’ skrivaniji, limitu fuq in-numru ta’ persuni fuq il-post tax-xogħol, il-provvista ta’ sanitizzatur u maskri, it-tindif bir-reqqa tal-post tax-xogħol kuljum, il-permess lill-impjegati sabiex jaħdmu minn fejn iħossuhom komdi, u li tistaqsi x’jagħmilhom aktar komdi biex jimxu ’l quddiem.

  1. Isma’ x’qed jgħidulek l-impjegati tiegħek

L-aktar mod faċli biex issir taf kif qed iħossu xi ħadd huwa billi tkellmu direttament. L-organizzazzjoni ta’ laqgħat regolari ta’ aġġornament, virtwali jew b’mod fiżiku, jista’ jkollha impatt pożittiv kbir fuq il-ġurnata ta’ xi ħadd. Konverżazzjonijiet informali jagħtu lill-impjegati l-opportunità li jgħidulek jekk humiex qed jesperjenzaw xi problemi, u b’hekk tkun tista’ tgħinhom isibu soluzzjoni qabel ma l-problema tmur għall-agħar. L-iżgurar li t-tħassib tal-impjegati jinstema’ se jtejjeb il-benesseri ġenerali tal-persunal u l-moral fuq il-post tax-xogħol. Modi oħra biex issir taf kif qed iħossuhom in-nies jinkludu stħarriġ anonimu, diskussjonijiet fi gruppi u formoli ta’ feedback.

  1. Oħloq u ppromwovi modi biex in-nies ifittxu parir

Kemm jekk xi ħadd ikun qed jiffaċċja kwistjoni fuq il-post tax-xogħol kif ukoll id-dar, jista’ jibbenefika milli jkollu xi ħadd ma’ min jitkellem. Ikkunsidra li tgħaqqad tim ta’ benessri ta’ voluntiera li l-impjegati jistgħu jagħmlu kuntatt magħhom għal konverżazzjonijiet kunfidenzjali u gwida. Jistgħu ma jħossuhomx komdi li jitkellmu ma’ xi ħadd fit-tim tagħhom stess, b’hekk kun żgur li tinvolvi persuni minn diversi dipartimenti. L-għoti ta’ kors ta’ taħriġ dwar il-benesseri se jħejji wkoll aħjar lill-persunal biex jappoġġa lil oħrajn u jtejjeb il-kwalità tal-parir tagħhom.

  1. Agħti prijorità lis-saħħa mentali

Illum, is-saħħa u l-benesseri mentali qed jiġu diskussi b’mod aktar miftuħ fuq il-post tax-xogħol. Ħafna impjegaturi ħadu passi biex is-suġġett isir prijorità u jinkluduh fil-politiki ta’ ħidma tagħhom, pereżempju billi semmewh bħala raġuni biex tittieħed ġurnata liv u jiġu introdotti miżuri għaż-żamma tal-benesseri. Dan involva l-għoti ta’ appoġġ bħal konsulenza lil dawk li għandhom diffikultajiet. Il-promozzjoni tal-benesseri u ż-żieda fis-sensibilizizazzjoni dwaru fuq il-post tax-xogħol jistgħu jgħinu biex jiġi evitat il-mard mentali, u b’hekk l-impjegati jkunu aktar ferħanin kif ukoll aktar sikuri.

  1. Aċċetta l-bidliet li kkawżat il-pandemija

Il-pandemija kkawżat ħafna bidliet, speċjalment fir-rigward tax-xogħol. Dan irriżulta f’ħafna inċertezza fost l-impjegati, iżda huwa wkoll opportunità għan-negozji biex jiżviluppaw. Ir-ristrutturar, l-iffokar mill-ġdid u l-bini mill-ġdid jistgħu jkunu eċitanti u jwasslu għal aktar opportunitajiet għall-persunal. Billi tħaddan dawn il-bidliet u tadatta għalihom, it-tim tiegħek jista’ jħossu motivat minflok imħasseb, u jħares ’il quddiem lejn il-futur. L-aħjar użu minn bidliet ġodda se jgħin ukoll biex l-organizzazzjoni tiegħek tibqa’ valida fil-futur, bħat-tkomplija tal-użu effettiv tal-pjattaformi online u l-offerta ta’ politiki ta’ ħidma flessibbli jew ibrida.

Għal aktar tagħrif dwar il-ġestjoni tal-impjegati wara l-COVID-19, ara Kif timmotiva lill-impjegati li jerġgħu lura għax-xogħol wara l-COVID-19.

 

Links relatati:

Kif timmotiva lill-impjegati li jerġgħu lura għax-xogħol wara l-COVID-19

 

Aqra aktar:

Jiem Ewropej tal-Impjiegi

Sib Konsulenti tal-EURES

Il-kundizzjonijiet tal-għajxien u tax-xogħol fil-pajjiżi tal-EURES

Il-Bażi tad-Data tal-Impjiegi  tal-EURES

Is-servizzi tal-EURES għall-impjegaturi

Il-Kalendarju tal-Avvenimenti tal-EURES

Avvenimenti Online li għadhom ġejjin

L-EURES fuq Facebook

L-EURES fuq Twitter

L-EURES fuq LinkedIn

Temi
  • Ideat u Suġġerimenti
Settur
  • Accomodation and food service activities
  • Activities of extraterritorial organisations and bodies
  • Activities of households as employers, undifferentiated goods- and services
  • Administrative and support service activities
  • Agriculture, forestry and fishing
  • Arts, entertainment and recreation
  • Construction
  • Education
  • Electricity, gas, steam and air conditioning supply
  • Financial and insurance activities
  • Human health and social work activities
  • Information and communication
  • Manufacturing
  • Mining and quarrying
  • Other service activities
  • Professional, scientific and technical activities
  • Public administration and defence; compulsory social security
  • Real estate activities
  • Transportation and storage
  • Water supply, sewerage, waste management and remediation activities
  • Wholesale and retail trade; repair of motor vehicles and motorcycles

Ċaħda

L-artikoli huma maħsuba biex jipprovdu lill-utenti tal-portal tal-EURES b'informazzjoni dwar suġġetti u xejriet kurrenti u biex jistimulaw id-diskussjoni u d-dibattitu. Il-kontenut tagħhom mhux bilfors jirrifletti l-opinjoni tal-Awtorità Ewropea tax-Xogħol (ELA) jew tal-Kummissjoni Ewropea. Barra minn hekk, EURES u ELA ma japprovawx websajts ta' partijiet terzi msemmija hawn fuq.