Għal Giliane Mallia, li hija l-Kap tal-Uffiċċju Nazzjonali ta’ Koordinazzjoni ta’ EURES Malta, it-tlaqqigħ ta’ persuni li qed ifittxu impjieg ma’ impjegaturi huwa jum bħall-oħrajn.
Giliane reċentement ikkollaborat ma’ kollegi ta’ EURES Spanja u ta’ EURES Italja sabiex toffri impjieg lil 10 persuni li qed ifittxu impjieg mal-kumpanija farmaċewtika Maltija Aurobindo. Waqt it-tfittxija tagħhom għal tekniċi tal-laboratorju tal-kontroll tal-kwalità, il-kumpanija ġiet riferuta għall-EURES minħabba “in-nuqqasijiet attwali fis-suq tax-xogħol f’Malta u n-nuqqas ta’ tali ħiliet fis-suq tax-xogħol lokali,” tgħid Giliane.
X’inhi r-raġuni għal dan in-nuqqas? Peress li Malta għandha t-tielet l-inqas rata tal-qgħad fl-UE, dan ifisser li ħafna impjegaturi lokali jirreklutaw attivament ħaddiema minn barra l-gżira.
Frederick Schembri, il-Maniġer Ġenerali ta’ Aurobindo, isejjaħ lill-EURES “eċċezzjonali”.
Hekk kif il-kumpanija bdiet tikber, jgħid hu, din bdiet iddur dejjem aktar lejn tfittix ta’ impjieg madwar l-UE kollha. Illum, 30 fil-mija tal-forza tax-xogħol tal-kumpanija ġejjin minn barra minn Malta, grazzi għall-EURES.
“[Waqt ir-reklutaġġ] aħna nistgħu nimmiraw lejn pajjiż jew udjenza speċifiċi,” jispjega hu. “Dan kien ta’ vantaġġ għalina u r-riżultati huma ċari.”
Waħda mill-benefiċjarji tal-kollaborazzjoni ta’ Aurobindo mal-EURES kienet Tamara Torcellini mill-Italja. Bħala persuna li tħobb tivvjaġġa, Tamara kienet ħerqana biex taħdem f’pajjiż ieħor tal-UE u għal xi żmien kienet qiegħda tuża l-EURES bħala waħda mill-għodod ewlenin tagħha biex issib impjieg. Meta ltaqgħet mal-opportunità Maltija, din kienet ideali għaliha.
“Bgħatt is-CV tiegħi għall-pożizzjoni ta’ “Analista tal-Kontroll tal-Kwalità” f’Malta u mill-ewwel irċivejt email mill-EURES bħala konferma tal-applikazzjoni tiegħi,” tgħid hi. “Meta fl-aħħar irċivejt l-aħbar tajba mill-kumpanija li ġejt impjegata, ikkuntattjajt lill-EURES billi staqsejt xi mistoqsijiet dwar il-pajjiż u huma tawni l-għajnuna kollha li kelli bżonn.”
L-għoti ta’ dak il-livell addizzjonali ta’ appoġġ hija dik il-ħaġa li tagħmel lill-EURES ħafna aktar minn sempliċiment servizz ta’ tqabbil tal-impjiegi. “Aħna weġibna mistoqsijiet dwar skejjel, karozzi u saħansitra dwar ivvjaġġar mal-annimali domestiċi tant maħbubin,” tgħid Giliane. It-tim iż-żgħir tal-EURES Malta jipprovdi wkoll assistenza f’dak li għandu x’jaqsam ma’ dokumenti u jikkoordina ma’ uffiċċji oħra f’isem il-kandidati għall-impjieg.
Giliane tixtieq li, fil-ġejjieni, il-EURES isir l-ewwel punt ta’ kuntatt għal kwalunkwe persuna li qed tfittex impjieg li tkun interessata li taħdem fi kwalunkwe pajjiż fl-UE. “It-tim tagħna jaħdem qatigħ biex joħloq ambjent amikevoli u utli, fejn aħna nistgħu ngħinu lin-nies mhux biss biex imorru jgħixu f’pajjiż ieħor, iżda wkoll biex niżguraw li t-tranżizzjoni tagħhom tkun kemm jista’ jkun bla xkiel.”
Il-vjaġġ EURES ta’ Tamara jissuġġerixxi li x-xewqat ta’ Giliane diġà qed jitwettqu. “Jien għadni Malta u tassew kuntenta bil-gżira, bin-nies u bix-xogħol,” tgħid Tamara. “Din l-esperjenza mhux biss qiegħda ttejjeb il-ħajja personali tiegħi iżda wkoll dik professjonali. Jien nirrakkomanda dan lil kulħadd! Kulħadd għandu jipprova jaħdem, jew jistudja, barra minn pajjiżu għal xi żmien u l-EURES joffri l-opportunità ideali!”
Links relatati:
Aqra aktar:
Kundizzjonijiet tax-xogħol u l-għajxien fil-pajjiżi tal-EURES
Il-Bażi ta᾽ Data tal-Impjiegi tal-EURES
Is-servizzi tal-EURES għall-impjegaturi
Il-Kalendarju tal-Avvenimenti tal-EURES
Avvenimenti Online li ġejjin
L-EURES fuq Facebook
L-EURES fuq Twitter
L-EURES fuq LinkedIn
Dettalji
- Data tal-pubblikazzjoni
- 11 Marzu 2018
- Awturi
- L-Awtorità Ewropea tax-Xogħol | Id-Direttorat Ġenerali tal-Impjiegi, l-Affarijiet Soċjali u l-Inklużjoni
- Temi
- Negozju/Intraprenditorija
- L-aħjar prattika tal-EURES
- Partijiet interessati esterni
- Aħbarijiet interni tal-EURES
- Aħbarijiet dwar is-suq tax-xogħol/aħbarijiet dwar il-mobilità
- Xejriet ta' reklutaġġ
- Stejjer ta' suċċess
- Żgħażagħ
- Sezzjoni(jiet) relatati
- Settur
- Accomodation and food service activities
- Activities of extraterritorial organisations and bodies
- Activities of households as employers, undifferentiated goods- and services
- Administrative and support service activities
- Agriculture, forestry and fishing
- Arts, entertainment and recreation
- Construction
- Education
- Electricity, gas, steam and air conditioning supply
- Financial and insurance activities
- Human health and social work activities
- Information and communication
- Manufacturing
- Mining and quarrying
- Other service activities
- Professional, scientific and technical activities
- Public administration and defence; compulsory social security
- Real estate activities
- Transportation and storage
- Water supply, sewerage, waste management and remediation activities
- Wholesale and retail trade; repair of motor vehicles and motorcycles