Vertu þinn eigin yfirmaður: sjálfstæður atvinnurekstur sækir í sig veðrið

Ný skýrsla frá Eurostat, hagstofu Evrópusambandsins, sýnir að 30,6 milljónir manna á aldrinum 15 til 64 í ESB voru í sjálfstæðum atvinnurekstri árið 2016, í störfum allt frá mótorhjólaviðgerðum til skógræktar.

Fólk í sjálfstæðum atvinnurekstri var 14% af heildarlaunþegum í ESB 2016. Það er smávægileg aukning frá upphafi 2015, þegar talan var 30,3 milljónir. Hjá þeim sem eru 25 ára eða yngri var aukningin á sama tímabili úr 77,300 upp í 90,000.

2016 voru tveir af þremur í sjálfstæðum rekstri karlar (67%), meira en helmingur (55%) var 45 ára eða eldri, um þriðjungur (35%) hafði lokið háskólamenntun og sjö af tíu (71%) voru einyrkjar, sem þýðir að þeir voru ekki með annan í vinnu.

Hæsta hlutfall sjálfstæðs reksturs er að finna í Grikklandi, þar sem næstum einn af hverjum þremur launþegum er sinn eigin yfirmaður. Á Ítalíu er talan einn af hverjum fimm (21%), og á Póllandi er það 18%. Af hinum aðildarríkjunum, þar sem sjálfstæður atvinnurekstur er ekki jafn vinsæll, sýna tölur Eurostat að hann er óvinsælastur í Danmörku, aðeins 8%, á meðan Þýskaland, Eistland, Lúxemborg og Svíþjóð eru öll með 9%. Meðaltalið í ESB er 14%.

Ef horft er á tölurnar eftir atvinnugreinum, starfa 4,8 milljónir við heild- og smásölu og mótorhjólaviðgerðir, eða 16% allra sem eru í sjálfstæðum rekstri í ESB árið 2016. Næst vinsælasta greinin var landbúnaður, skógrækt og fiskveiðar, með 4,4 milljónir, eða 14%, á meðan byggingavinna (3,9 milljónir, 13%) og sérfræðivinna í vísindum og tækni (3,7 milljónir, 12%) voru einnig vinsæl hjá fólki í lausavinnu.

Í sumum löndum getur EURES hjálpað fólki í sjálfstæðum rekstri í hvaða landi sem er í ESB að komast í samband við vinnuveitendur sem leita að margskonar hæfileikum og kunnáttu. Hanna-Maria, óperusöngkona í lausamennsku frá Malmö, Suður-Svíþjóð, þekkir það af eigin reynslu. Þegar hún ákvað að hún þyrfti nýjar áskoranir var hún ekkert að tvínóna við að leita sér hjálpar frá næsta EURES-ráðgjafa til að fá áheyrnarpróf í Hamborg með hjálp ZAV. Hún hefur ekki litið um öxl síðan þá.

„Ég hef mjög jákvæða reynslu af EURES. Ég hef rætt við aðra kollega sem eru einnig óperusöngvarar í lausamennsku sem hafa góða reynslu af EURES. Mig langar virkilega að finna tækifæri í Þýskalandi. Þar eru mun fleiri óperuhús heldur en í Svíþjóð, og raunar mörgum öðrum Evrópulöndum.“

Hanna-Maria lærði þýsku í þrjú ár svo hún getur talað smá þýsku og myndi líklega læra hratt ef hún flytti þangað. Eitt er víst að hún getur nú þegar sungið á þýsku og nýtur sérfræðiaðstoðar á staðnum og í geiranum sem hún fær sem einstaklingur í sjálfstæðum atvinnurekstri.

Tengdir hlekkir:

Kíkjum á sjálfstæðan atvinnurekstur í ESB – Eurostat skýrsla

Sjálfstæðum atvinnurekstri

Nánari upplýsingar:

Evrópskir atvinnudagar

Drop’pin@EURES

Finna EURES-ráðgjafa

Atvinnu- og búsetuskilyrði í EURES löndum

Vinnugagnagrunnur EURES

Þjónusta EURES fyrir atvinnurekendur

Viðburðadagatal EURES

Næstu viðburðir á Netinu