Sena ġdida, impjieg ġdid f’pajjiż ġdid!

Is-Servizzi tal-EURES u l-persunal tal-EURES diġà qegħdin jistennew biex jaċċertaw ruħhom li s-sena l-ġdida tiegħek tkun waħda mimlija prosperità. Jekk inti diżokkupat/a, qed tfittex impjieg, qed tfittex taħriġ jew opportunitajiet ta’ internship, allura hemm għadd ta’ programmi tal-EURES lesti biex jgħinuk.

L-iskemaDrop'pin@EURES hija miftuħa għal dawk li qed ifittxu biex jagħmlu l-ewwel passi tagħhom fis-suq tax-xogħol, u toffri għadd kbir ta’ opportunitajiet li jinkludu apprendistati, traineeships, taħriġ, korsijiet ta’ taħriġ b’mod elettroniku u ħafna aktar.

Se tagħlaq 35 fl-2018? Mela tista’ tiċċekkja Reactivate. Dan il-programm jgħin liċ-ċittadini tal-UE li għandhom 35 sena u aktar biex isibu opportunità ta’ impjieg, traineeship jew apprendistat f’pajjiż ieħor tal-UE. Jew, jekk għandek bejn it-18-il sena u l-35 sena, tista’ taċċessa wkoll L-Ewwel Xogħol EURES Tiegħek, li huwa mfassal biex iqabbel persuni li qed ifittxu impjieg ma’ impjegaturi li qegħdin ifittxu kandidati.

Żomm Ruħek Aġġornat

L-2018 se ġġib magħha wkoll sensiela sħiħa ta’ artikli ġodda għall-portal sabiex inti tinżamm aġġornat bl-aħbarijiet u l-inizjattivi l-aktar riċenti ta’ EURES. Għaldaqstant, kemm jekk inti persuna li qed tfittex impjieg, kif ukoll jekk inti impjegatur li qed tfittex parir jew għajnuna biex timla pożizzjonijiet vakanti, fl-2018 żomm ruħek aġġornat.

Fil-frattemp nittamaw li qed tgawdi dan l-istaġun tal-festi u nixtiqulek Sena Ġdida mimlija kuntentizza u saħħa!

Links relatati:

Drop’pin@EURES

Reactivate

L-Ewwel Xogħol EURES Tiegħek

Aqra aktar:

Sib Konsulent tal-EURES

Kundizzjonijiet ta’ għajxien u xogħol fil-pajjiżi tal-EURES

Il-Bażi ta’ Data tal-Impjiegi tal-EURES

Is-servizzi tal-EURES għall-impjegaturi

Il-Kalendarju tal-Avvenimenti tal-EURES

Avveniment Online li jmiss