Imiss lill-Estonja biex tispikka hekk kif qed tospita l-presidenza tal-UE

Estonia’s turn to shine as it hosts EU presidency — EURES Estonia

Dan mhux biss ċans għall-Estonja biex turi l-kultura tagħha lill-Istati Membri sħabha, iżda anki opportunità biex tattira lil dawk li qegħdin ifittxu impjieg lejn il-pajjiż u tippromwovi s-servizzi li l-EURES jista’ joffri lil dawk li qed ifittxu xogħol barra l-pajjiż.

Wieħed mill-modi ewlenin kif il-EURES tal-Estonja qed jagħmel dan huwa permezz ta’ fiera tax-xogħol fuq il-post f'Tallinn fis-7 ta’ Novembru. Huma qed jistennew li jattendu aktar minn 90 impjegatur lokali u barrani u madwar 5,000 viżitatur. Impjegaturi min-Norveġja, il-Ġermanja u r-Repubblika Ċeka diġà kkonfermaw l-attendenza tagħhom, filwaqt li qed ifittxu li jimpjegaw persuni li jkunu qed ifittxu impjieg mill-Estonja.

L-avveniment huwa l-ikbar fiera tax-xogħol tal-pajjiż u ser jiġi organizzat fiċ-Ċentru Kreattiv f'Tallinn, fejn il-laqgħat uffiċjali kollha qed isiru matul il-presidenza. Matul il-fiera se jkun hemm ukoll seminars għall-impjegaturi nazzjonali bħala parti mill-inizjattiva tal-Jum Ewropew tal-Impjegaturi organizzata min-Netwerk Ewropew ta’ Servizzi Pubbliċi għall-Impjieg (PES).

Li wieħed jaħdem fl-Estonja jġib miegħu bosta benefiċċji, skont il-Koordinatur Nazzjonali tal-EURES, Marta Traks. "In-nies li jiċċaqalqu lejn l-Estonja minn pajjiżi oħra għax-xogħol jikkunsidraw li l-attrazzjoni ewlenija hija l-ġerarkija organizzattiva kompatta tagħha, li tippermettilek tavvanza fil-karriera aktar malajr milli f'pajjiżi oħra", qalet Marta Traks. "L-impjegati żgħażagħ jingħataw opportunitajiet biex imexxu, u l-kontribuzzjonijiet tal-membri tal-persunal jiġu nnutati u ppremjati."

Barra l-post tax-xogħol, il-pajjiż għandu ħafna x'joffri, żiedet tgħid Marta. "Hemm ħafna arja friska, ikel frisk u żona kbira ta’ kampanja. Nies minn varjetà ta’ sfondi kulturali jgħidu li jħossuhom komdi jgħixu hawn. Minkejja d-daqs żgħir tal-pajjiż, inti tista’ dejjem tattendi konkorsi u wirjiet kbar. Qatt ma tħoss li l-ħin mhux jgħaddi.”

Il-pajjiż qed jorganizza numru ta’ avvenimenti oħrajn marbuta mal-migrazzjoni matul il-presidenza. F’Settembru, pereżempju, l-università ta’ Tallinn ospitat konferenza msejħa L-UE fit-Tellieqa Globali għat-Talenti:Sfidi u Soluzzjonijiet fit-Tisħiħ tal-Kompetittività tal-UE, organizzata mill-punt ta’ kuntatt nazzjonali Estonjan għan-Netwerk Ewropew dwar il-Migrazzjoni

Din il-konferenza hija pjattaforma unika li tlaqqa’ flimkien il-partijiet ikkonċernati ewlenin fil-qasam tal-migrazzjoni legali fl-Ewropa, inklużi dawk li jfasslu l-politika mill-Istati Membri tal-UE, il-Kummissjoni Ewropea, il-Parlament Ewropew, punti ta' kuntatt nazzjonali tal-EMN, organizzazzjonijiet intergovernattivi, NGOs, is-settur privat u l-pubbliku.

Links relatati:

L-ikbar fiera tax-xogħol fl-Estonja b'5000 persuna li qed tfittex impjieg fuq il-post

Ċentru Kreattiv ta’ Tallinn huwa ċentru kreattiv fil-qalba ta’ Tallinn.

Presidenza Estonjana tal-Kunsill tal-Unjoni Ewropea

Inizjattiva għal Jum Ewropew tal-Impjegaturi

Netwerk Ewropew ta’ Servizzi Pubbliċi għall-Impjieg (PES)

Introduzzjoni b’vidjo għall-Estonja fl-okkażjoni li l-pajjiż għandu l-presidenza tal-Unjoni Ewropea għall-ewwel darba

Konferenza: L-UE fit-Tellieqa Globali għat-Talenti:Sfidi u Soluzzjonijiet fit-Tisħiħ tal-Kompetittività tal-UE

Netwerk Ewropew dwar il-Migrazzjoni

Aqra aktar:

Jiem l-Impjiegi Ewropej

Drop’pin@EURES