Mur għall-kontenut ewlieni
EURES (EURopean Employment Services)
  • Artiklu tal-aħbarijiet
  • 5 Ottubru 2017
  • L-Awtorità Ewropea tax-Xogħol, Id-Direttorat Ġenerali tal-Impjiegi, l-Affarijiet Soċjali u l-Inklużjoni
  • 3 min qari

5 benefiċċji tal-ġenn li wieħed jagħmel internship.

Jonna Dromberg (22) taħdem bħala intern għal CupoNation fil-Finlandja. Filwaqt li għadhom kemm offrew apprendistat fil-kumpanija, m'hemm ħadd aħjar biex jelenka ħames benefiċċji tal-ġenn li wieħed jagħmel intership...

5 great benefits of doing an internship
EURES

Id-dinja reali

X'aktarx, jista' jkollok idea dwar x'togħma għandha tuffieħa jekk xi ħadd jispjegalek, iżda għal fehim sħiħ huwa fundamentali li dduqha inti stess. L-istess japplika għall-edukazzjoni. Il-fatt li jkollok ktieb jew professur li jispjega t-teorija ma jipprovdulekx realment l-istampa kollha. Tista' taqra l-aħjar kotba fid-dinja dwar suġġett speċifiku, sew jekk hija storja jew marketing, iżda dan qatt ma jista' jitqabbel mal-esperjenza reali tal-ħajja.

Il-fatt li tħallat l-edukazzjoni ma' internship jagħtik bażi soda ħafna li fuqha tibni karriera. L-edukazzjoni weħidha se tagħtik it-teorja dwar it-tip ta' materjal tal-bini li għandek tuża, iżda din weħidha m'għandha l-ebda valur prattiku.

Pass 'il quddiem mill-oħrajn

Kieku inti timpjega persuna b'għarfien teoriku biss, jew tagħżel il-persuna kemm b'għarfien teoriku kif ukoll b'esperjenza reali fil-qasam tagħha? Għal kull pożizzjoni full-time mfassla għaż-żgħażagħ, dejjem se jkun hemm numru kbir interessat li jaħtafha qabel ma jaħtafha ħaddieħor.

Internship jagħtik vantaġġ, għaliex inti tinsab litteralment pass 'il quddiem mill-persuni li m'għandhomx esperjenza tad-dinja reali. Internship jidher sabiħ fuq is-CV tiegħek u filwaqt li ħadd ma jistenna li taf kollox, huma se jirrikonoxxu li inti taf ħafna aktar mill-persuni li qatt ma avvanzaw mill-kotba tagħhom.

L-internship tiegħek jista' jkun il-vantaġġ li għandek bżonn sabiex tikseb dak l-impjieg full-time li verament tixtieq!

Esperjenza tal-blieh

Għalija, il-fatt li ngħatajt responsabbiltà reali kienet esperjenza tal-blieh. Din hija waħda mill-affarijiet li ġġiegħlek tikber, kemm fil-livell professjonali kif ukoll dak personali. Kun ċert/a li ssib ruħek f'kumpanija li tarak bħala għajnuna, u mhux bħala burokratiku.

Hija ta' sfida enormi meta l-imgħallem jafdalek f'idejk proġett għall-ewwel darba, u x'aktarx se tħoss ħafna pressjoni. Minkejja dan, ftakar li inti ma tinsabx f'din il-pożizzjoni għax ix-xorti daħkitlek. Inti tikseb dawn it-tipi ta' opportunitajiet għaliex inti min inti u għal dak li kapaċi tagħmel. L-imgħallem ma impjegakx b'kumbinazzjoni, u meta jemmnu li inti lest/a għall-kompitu importanti, x'aktarx li inti preparat/a. Ħadd ma jgħidlek li se jkun faċli, iżda definittivament se tkun kapaċi ttemmu u toħroġ minnu aktar b'saħħtek fuq in-naħa l-oħra.

Għarfien kulturali

Jekk tkun f'pajjiżek jew barra 'l pajjiż, internship jagħtik il-possibbiltà li titgħallem dwar kultura ta' uffiċċju ġdid. Fil-Ġermanja, l-affarrijiet ta' spiss jiġu ttrattati differenti minn dak li jien imdorrija bih fil-Finlandja. Mhux neċesserjament għall-aħjar jew għall-agħar, iżda differenti. Din it-tip ta' esperjenza tagħtik verament fehim tajjeb ta' kif kumpaniji differenti jmexxu n-negozju tagħhom. Ikseb dawk pożittivi u agħmel mezz li jogħġbuk.

Opportunitajiet

Qatt tkun "twajjeb iżżejjed" għal internship. Il-fatt li temmen li wara l-iskola se timxi dritt f'pożizzjoni full-time jista' jkun daqqa ta' ħarta kbira. Il-maġġoranza tal-kumpaniji joffru interships, u huwa aktar probabbli għalik li tikseb il-pożizzjoni full-time jekk ikunu jafu min inti u xi ssarraf wara li tkun urejt kemm tiswa fil-livell bażi. U jekk ma joffrux internships, ħeqq...kif diġà ssemma': qatt mhu mitluf il-fatt li tkun pass 'il quddiem mill-oħrajn.

Interessat/a f'internship? Għalhekk iċċekkja Drop'pin@EURES sabiex titgħallem aktar dwar l-opportunitajiet taż-żgħażagħ li qed jiġu offruti u sib l-għażla ta' internship perfetta tiegħek!

 

Links rilevanti:

CupoNation

5 ideat għal meta tfittex għal traineeships

 

Aqra aktar:

Jiem l-Impjiegi Ewropej

Drop’pin@EURES

Sib Konsulent tal-EURES

Kundizzjonijiet tax-xogħol u l-għajxien fil-pajjiżi tal-EURES

Il-Bażi ta' Data tal-Impjiegi tal-EURES

Is-servizzi tal-EURES għall-impjegaturi

Il-Kalendarju tal-Avvenimenti tal-EURES

Avvenimenti Onlineli ġejjin

L-EURES fuq Facebook

L-EURES fuq Twitter

L-EURES fuq LinkedIn

L-EURES fuq Google+

 

Temi
  • Ideat u Suġġerimenti
  • Żgħażagħ
Settur
  • Accomodation and food service activities
  • Activities of extraterritorial organisations and bodies
  • Activities of households as employers, undifferentiated goods- and services
  • Administrative and support service activities
  • Agriculture, forestry and fishing
  • Arts, entertainment and recreation
  • Construction
  • Education
  • Electricity, gas, steam and air conditioning supply
  • Financial and insurance activities
  • Human health and social work activities
  • Information and communication
  • Manufacturing
  • Mining and quarrying
  • Other service activities
  • Professional, scientific and technical activities
  • Public administration and defence; compulsory social security
  • Real estate activities
  • Transportation and storage
  • Water supply, sewerage, waste management and remediation activities
  • Wholesale and retail trade; repair of motor vehicles and motorcycles

Ċaħda

L-artikoli huma maħsuba biex jipprovdu lill-utenti tal-portal tal-EURES b'informazzjoni dwar suġġetti u xejriet kurrenti u biex jistimulaw id-diskussjoni u d-dibattitu. Il-kontenut tagħhom mhux bilfors jirrifletti l-opinjoni tal-Awtorità Ewropea tax-Xogħol (ELA) jew tal-Kummissjoni Ewropea. Barra minn hekk, EURES u ELA ma japprovawx websajts ta' partijiet terzi msemmija hawn fuq.