Il-Garanzija għaż-Żgħażagħ fil-qosor

The Youth Guarantee in a nutshell — Shutterstock

X’inhi l-Garanzija għaż-Żgħażagħ?

Il-Garanzija għaż-Żgħażagħ hi impenn mill-Istati Membri tal-UE biex jiġi żgurat li ż-żgħażagħ kollha ta’ taħt il-25 sena jkunu jistgħu jsibu xogħol ta’ kwalità tajba jew jiksbu l-edukazzjoni, il-ħiliet u l-esperjenza li jeħtieġu biex isibu xogħol fil-futur, fi żmien erba’ xhur minn meta jitilqu mill-iskola jew jisfaw qiegħda.

Kif taħdem?

Kull Stat Membru jopera skema tal-Garanzija għaż-Żgħażagħ nazzjonali unika għal dak il-pajjiż. L-iskema tlaqqa’ flimkien sħab mill-amministrazzjoni pubblika, mill-edukazzjoni u minn negozji biex jappoġġjaw varjetà ta’ attivitajiet imfassla biex jgħinu liż-żgħażagħ isibu xogħol.

Dawn l-attivitajiet jinkludu apprendistati f’negozji lokali, traineeships li jħalltu esperjenza li tinkiseb fuq ix-xogħol ma’ klassijiet ibbażati fuq it-teorija, offerti ta’ xogħol, finanzjament għal kumpaniji ġodda jew għal persuni li jaħdmu għal rashom u korsijiet ta’ taħriġ.

Min jista’ jipparteċipa?

Iż-żgħażagħ kollha ta’ taħt il-25 sena (taħt id-29 sena f’xi pajjiżi) li jkunu għadhom kif telqu mill-edukazzjoni formali jew sfaw qiegħda jistgħu jipparteċipaw fil-Garanzija għaż-Żgħażagħ.

Negozji u organizzazzjonijiet ukoll jistgħu jipparteċipaw billi jissieħbu u jappoġġjaw l-attivitajiet li qegħdin jiġu offruti permezz tal-iskema.

Minn fejn jiġi l-finanzjament?

Il-Garanzija għaż-Żgħażagħ hi ffinanzjata permezz ta’ taħlita ta’ baġits u kontribuzzjonijiet nazzjonali mill-Fond Soċjali Ewropew u mill-Inizjattiva favur l-Impjieg taż-Żgħażagħ.

X’kisbet s’issa l-Garanzija għaż-Żgħażagħ?

Minn Jannar 2014, 14-il miljun żagħżugħ/a daħlu fi skemi tal-Garanzija għaż-Żgħażagħ u madwar 9 miljuni minn dawn aċċettaw offerta ta’ appoġġ.

Stejjer ta’ suċċess tal-Garanzija għaż-Żgħażagħ

Minn fejn jistgħu ż-żgħażagħ u n-negozji jsiru jafu aktar?

Id-dettalji tal-punt ta’ kuntatt ta’ kull pajjiż jistgħu jinstabu fuq il-paġna ta’ reġistrazzjoni tal-Garanzija għaż-Żgħażagħ tas-sit web tad-DĠ EMPL.

Informazzjoni sħiħa dwar l-iskema tista’ tinstab fuq il-paġni tal-Garanzija għaż-Żgħażagħ tas-sit web tad-DĠ EMPL.

Links relatati:

Il-Fond Soċjali Ewropew. http://ec.europa.eu/esf/home.jsp?langId=mt

L-Inizjattiva favur l-Impjieg taż-Żgħażagħ http://ec.europa.eu/social/main.jsp?catId=1176&langId=mt

Aristea Zachari (Greċja): http://ec.europa.eu/social/main.jsp?catId=89&langId=mt&newsId=2633&furtherNews=yes

Tina Fonovic (Slovenja): http://ec.europa.eu/social/main.jsp?catId=89&langId=mt&newsId=2624&furtherNews=yes

Elvis Skripunas (Litwanja): http://ec.europa.eu/social/main.jsp?catId=89&langId=mt&newsId=2626&furtherNews=yes

Nikolay Petrov (Bulgarija): http://ec.europa.eu/social/main.jsp?catId=89&langId=en&newsId=2630&furtherNews=yes

Paġna ta’ reġistrazzjoni tal-Garanzija għaż-Żgħażagħ: http://ec.europa.eu/social/main.jsp?catId=1218&langId=mt

Paġni tal-Garanzija għaż-Żgħażagħ: http://ec.europa.eu/social/main.jsp?catId=1079&langId=mt

Aqra aktar:

Jiem tal-Impjieg Ewropew