Táimid taobh thiar díot agus an planda oifige atá foirfe duitse á aimsiú agat!

Cachtas

Fásann cachtais go maith le beagán uisce, toisc go stórálann siad an-chuid de iontu féin, rud a chiallaíonn gur plandaí idéalacha ísealchothabhála iad le coinneáil ar do dheasc. Go deimhin, d’fhéadfadh an iomarca uisce a bheith ina chúis bháis dóibh, mar sin má tá tú ag streachailt le ró-uisciú, d’fhéadfadh cur is cúiteamh an lae ghnóthaigh oibre cabhrú le do cachtas a bheith faoi rath. Déanann na súmharáin cholgacha go maith i solas díreach agus bíonn siad faoi rath i seomra a fhaigheann an-chuid solais. Mar sin féin, d’fhéadfadh a spíonta peataí nó leanaí beaga a ghortú, agus tá an chuid is mó díobh tocsaineach do chait. Má tá sé seo ina ábhar imní duit, smaoinigh ar chachtas cnáimhe éisc nó ar chachtas Nollag, atá sábháilte do pheataí, a fháil.

Lile shíochána

Tá lilí síochána an-inoiriúnaithe nach mbíonn mórán aire le tabhairt dóibh, le duilleoga móra agus bláthanna bána áille. Déanann sé sin go mbíonn an-tóir orthu mar phlandaí tí. Tá siad go hiontach á gcur féin in iúl freisin, mar a thiteann a nduilleoga nuair a theastaíonn uisce uathu. Cuir uisce uirthi aon uair a mbíonn cuma bhrónach uirthi, agus déanfaidh do lile shíochána í féin agus do spás oibre a athbheochan. Is íontóir nádúrtha aeir iontach í freisin agus tá sí foirfe mar chuid de thimpeallacht oibre úr, ghlan agus shocair. Fainic, tá sí tocsaineach do chait agus do mhadraí, mar sin ní bhíonn sí chomh síochánta agus is cosúil!

Haworthia

Is súmharán ó dheisceart na hAfraice ó dhúchas é an haworthia (ar a dtugtar an cachtas ‘séabra’ de ghnáth), ach atá foirfe do do dheasc. Is plandaí ísealchothabhála iad plandaí séabra (nach mbíonn uisce ag teastáil uathu go hannamh) agus a fhásann go mall, mar sin ní ghlacfaidh siad le d’oifig má théann tú ar saoire. Tá an súmharán stríocach neamhthocsaineach do chait freisin, cé go bhfuil spíonta air, mar sin bí ag faire amach más maith le do cairde clúmhacha dreapadh ar do dheasc agus brú isteach ar do ghlaonna oibre!

Monstera

Tá monstera an-éifeachtach ó thaobh tocsainí a bhaint as an aer, agus atmaisféar oifige a chruthú ina mbraitheann tú réidh le bheith ag obair. Cé go n‑éilíonn siad roinnt prúnáil, fásfaidh siad go sona sásta i seomra ar bheagán solais. Nuair a chuirtear i solas geal na gréine iad, is féidir le duilleoga móra croíchruthacha a fhás orthu a mbíonn ‘poill’ shuaithinseacha iontu, arb iad is cúis leis an leasainm ‘planda cáise’ a dtugtar orthu. Mar sin féin, is féidir le monstera fás go han-mhór go han-tapa. Coinnigh do cheannsa prúnáilte chun a chinntiú nach ndíbreoidh sé thú ó d’oifig! Tá an planda seo tocsaineach do chait agus do mhadraí, mar sin b’fhearr duit é a choinneáil i láthair nach bhfuil inrochtana go héasca ag do pheataí.

Clóraifíteam

Planda iontach oifige é clóraifíteam, mar go bhfuil sé frithsheasmhach in aghaidh triomaigh agus mar go bhfuil sé go maith ag truailleáin dhíobhálacha ar nós aonocsaíd charbóin a bhaint ón aer. Tá scáthchruth taibhseach ag clóraifíteam, a bhuí lena spanlaí duilleoige atá cosúil le damhán alla, a shuífidh go maith i gcúlra do ghlaonna oibre gan cur isteach ar do chomhghleacaithe (murab ionann agus an monstera, a bhfuil an nós aige fás chomh mór le go dtugann sé an chraobh leo!).

An t‑aló íceach

Mar aon leis an gcachtas, beidh an t‑aló íceach faoi rath fiú má dhéanann tú dearmad uisce a chur air, rud a fhágann go mbíonn an planda seo an-oiriúnach don oibrí gnóthach (nó dearmadach) atá róghnóthach le cuimhneamh ar aire a thabhairt do phlanda. Cé go bhfuil cuma álainn orthu, b’fhéidir go mbeadh díomá ort a fháil amach go bhfuil an súmharán is fearr leat tocsaineach do chait agus do mhadraí, mar sin coinnigh peataí ar shiúl uathu chun turas chuig an tréidlia a sheachaint.

Le haghaidh tuilleadh eolais i dtaobh spás oibre iontach a chruthú sa bhaile, féach ár n‑alt maidir le conas d’oifig bhaile a dhéanamh níos glaise

Naisc ghaolmhara:

Conas d’oifig bhaile a dhéanamh níos glaise

Léigh tuilleadh:

Laethanta Fostaíochta Eorpacha

Aimsigh Comhairleoirí EURES

Dálaí maireachtála agus oibre i dtíortha EURES

Bunachar Post EURES

Seirbhísí EURES le haghaidh fostóirí

Féilire Imeachtaí EURES

Imeachtaí ar Líne a bheidh ar siúl go luath

EURES ar Facebook

EURES ar Twitter

EURES ar LinkedIn