Xogħol barra mill-pajjiż waqt pandemija: L-istorja ta’ kok Belġjan fil-Finlandja

Id-determinazzjoni hija s-soluzzjoni

Minkejja n-nuqqas ta’ kokijiet fi Brussell, Ahmed kien qed isibha diffiċli biex isib impjieg. “Probabbilment bgħatt madwar 100 applikazzjoni. Irċevejt biss żewġ jew tliet tweġibiet u kollha kienu negattivi. Huwa diffiċli tibqa’ motivat meta xi ħadd ma jirrispondikx, iżda ma ridtx inkun passiv u ma nagħmel xejn dwar dan,” qal Ahmed.

Jiġifieri meta l-kok żagħżugħ iddeċieda li jittanta xortih barra minn pajjiżu u għamel kuntatt mal-Konsulenti tal-EURES fl-Actiris International − id-dipartiment tal-mobilità internazzjonali tas-Servizz Pubbliku tal-Impjiegigħar-Reġjun ta’ Brussell.

“Meta rċevejt offerta minn Actiris International għal impjieg staġjonali f’ċentru turistiku Finlandiż, mill-ewwel applikajt. Wara intervista mat-tim tal-EURES, l-applikazzjoni tiegħi ntbagħtet malajr lill-impjegatur.”

Ġimgħa għar-rilokazzjoni

Wara l-ewwel intervista, l-affarijiet imxew malajr ħafna għal Ahmed. “L-għada, kelli intervista bit-telefown mal-impjegatur, li marret tajjeb, u l-ġimgħa ta’ wara, wasalt fil-Lapland. Il-proċess kollu tal-applikazzjoni sar bl-Ingliż. M’iniex bilingwi, iżda naħseb li l-Ingliż tiegħi kien tajjeb biżżejjed,” jgħid il-kok Belġjan.

Ahmed ġie impjegat bħala kok tal-istazzjon. “Bdilt diversi pożizzjonijiet differenti, iżda kont responsabbli l-aktar biex nagħmel ħelu u ikel tal-għaġina. Il-kċina kienet internazzjonali, iżda tgħallimt ukoll kif nagħmel platti tradizzjonali Finlandiżi.”

Il-pandemija

Il-kuntratt ta’ Ahmed kien minn Diċembru 2019 sa April 2020, iżda meta l-pandemija laqtet lill-Finlandja f’Marzu, iċ-ċentru turistiku kellu jagħlaq. Minflok mar lura Brussell, Ahmed iddeċieda li jkompli l-vjaġġ tiegħu, motivat mill-esperjenza tiegħu fil-Lapland.

“Mort ngħix f’Ħelsinki, u wara ftit ġimgħat, sibt impjieg f’bar tas-sushi. Tgħallimt kif naqta’ l-ħut u nagħmel sushi. Kien vera interessanti! Iżda mbagħad, it-tieni mewġa tal-COVID-19 laqtet lill-Finlandja, li rriżultat fl-għeluq tar-ristoranti kollha. Din id-darba, ma kellix għażla ħlief li mmur lura lejn il-Belġju,” jiftakar Ahmed.

Minkejja l-isfidi li ħabbat wiċċu magħhom matul il-pandemija, Ahmed ma jiddispjaċihx li mar il-Finlandja. “Kont kuntent ħafna fil-Finlandja, u qed naħseb li nirritorna hekk kif ikolli l-opportunità. Il-mentalità tal-poplu Skandinavu togħġobni ħafna -huma nies li jilqgħuk u moħħom miftuħ. Inħeġġeġ lil kull min qed jikkunsidra jaħdem barra minn pajjiżu biex jaqbad u jagħmilha. Hija esperjenza pożittiva ħafna.”

Trid tibda l-avventura tiegħek barra minn pajjiżek? Minkejja l-pandemija, il-Konsulenti tagħna tal-EURES qegħdin hemm biex jagħtu pariri u jappoġġaw lil dawk li qed ifittxu impjieg biex isibu opportunitajiet madwar l-Ewropa. Ikkuntattja lill-helpdesktal-EURES biex tibda mil-lum.
 

 

Links relatati:

Actiris International

Ikkuntattja lill-helpdesktal-EURES

 

Aqra aktar:

Jiem Ewropej tal-Impjiegi

Sib Il-Konsulenti tal-EURES  

Il-kundizzjonijiet tal-ħajja u x-xogħol fil-pajjiżi tal-EURES

Il-Bażi tad-Data tal-Impjiegi  tal-EURES

Is-servizzi tal-EURES għall-impjegaturi

Kalendarju tal-Avvenimenti tal-EURES

Avvenimenti Online li ġejjin

L-EURES fuq Facebook

L-EURES fuq Twitter

L-EURES fuq LinkedIn