“F’Novembru li għadda, matul sessjoni ta’ taħriġ tal-EURES fl-Iżvezja, iltqajt ma’ Biancangela Fabbri mill-EURES tal-Italja,” ftakar Sébastien Faure tal-EURES ta’ Franza.
“Matul is-sessjoni, Biancangela infurmatna li wieħed mill-impjegaturi tagħha fl-Italja, Your Friends Animazione, kien qiegħed ifittex kandidati minn madwar l-Ewropa kollha,” spjega hu. Biancangela kienet qed tfittex kandidati biex jaħdmu bħala animaturi tat-tfal fiċ-ċentri tal-vaganzi mmexxija minn Your Friends Animazione matul l-istaġun tas-sajf.
“Issuġġerejt lil Biancangela biex naħdmu flimkien biex nippromwovu x-xogħlijiet ta’ Your Friends Animazione lill-kandidati żgħażagħ tagħna rreġistrati fuq il-programm Korp Ewropew ta Solidarjetà,” kompla jispjega Sébastien.
Malajr irċieva bosta applikazzjonijiet minn żgħażagħ Franċiżi li kienu qed ifittxu xogħol u rranġa intervisti bit-telefown u bi Skype bejn Your Friends Animazione u l-kandidati.
“Huwa interessanti u pjaċevoli li tkun kompletament involut fil-kultura Taljana”
Wara proċess ta’ reklutaġġ b’suċċess, erba’ kandidati minn Franza u Spanja ġew magħżula biex jattendu taħriġ fuq ħamest ijiem fit-Toskana f’April 2019. Ġew imħarrġa biex jaħdmu fl-irwoli tagħhom bħala animaturi tat-tfal. Il-kumpanija ħallset għall-vjaġġ u l-akkomodazzjoni tagħhom għall-ġimgħa.
Parteċipant żagħżugħ kien Wilfried ta’ 20 sena minn Île-de-France, ftit ‘il barra minn Pariġi. Qabel ma ntgħażel, Wilfried ma kienx fis-sistema edukattiva, ma kienx qed jaħdem u lanqas ma kien qed isegwi xi taħriġ. Wara t-taħriġ inizjali tiegħu, Wilfried issa qiegħed fuq kollokament ta’ xahrejn ma’ Your Friends Animazione. Wilfried jaħdem f’ċentru tal-vaganzi f’villaġġ turistiku fuq il-gżira ta’ Sardinja. Il-kompiti tiegħu jinkludu l-organizzazzjoni ta’ tornamenti sportivi għaż-żgħażagħ u l-organizzazzjoni ta’ spettakli kull filgħaxija.
“Ngħejja, il-pass huwa mgħaġġel,” stqarr Wilfried. “Iżda tant nieħu pjaċir li ma jimpurtax.”
Kiseb ħafna ħiliet personali u tekniċi, inkluż il-fatt li tejjeb l-Ingliż tiegħu u qed jitgħallem xi ftit Taljan u Ġermaniż. Ħa pjaċir ukoll jesperjenza direttament kultura oħra.
“Huwa interessanti u pjaċevoli li tkun kompletament involut fil-kultura Taljana”, qal Wilfried. “Fil-bidu, ma kont nifhem xejn bit-Taljan. Issa nifhem.”
Meta jispiċċalu ż-żmien fl-Italja, Wilfried beħsiebu jerġa’ jmur jgħix barra mill-pajjiż, din id-darba fid-Danimarka, fejn se jagħmel kollokament fis-Servizz Volontarju Ewropew fi skola għaż-żgħażagħ b’diżabbiltà.
“It-tnejn emminna f’dan il-proġett”
L-uffiċċju tal-EURES ta’ Biancangela ġewwa Pistoia ilu jikkollabora ma’ Your Friends Animazione għal diversi snin issa, u hi tħoss li hemm xi ħaġa speċjali dwar l-esperjenza li żgħażagħ li qed ifittxu xogħol bħal Wilfried jiksbu meta jaħdmu mal-kumpanija.
“Jirnexxilhom joħorġu l-aħjar fiż-żgħażagħ li jintgħażlu mingħajr l-ebda esperjenza bħala animaturi u ta’ spiss jaslu nervużi u mistħija, u ma jkunux konxji tat-talenti tagħhom,” qalet hi.
Biancangela hija wkoll mimlija bi kliem ta’ tifħir għal Sébastien u l-mod ta’ kif imxiet ħarir il-kollaborazzjoni internazzjonali tagħhom. “Sébastien u jien fhimna lil xulxin mal-ewwel, u għandna l-istess metodu ta’ ħidma,” spjegat hi. “It-tnejn li aħna emminna fil-proġett, u l-empatija, l-entużjażmu u l-komunikazzjoni tiegħu għamluha faċli u pjaċevoli għalija biex nikkollabora.”
“Flimkien, segwejna passi komplementari: Jien appoġġajt lill-kumpanija fir-reġistrazzjoni tal-proġett u fl-għażla tal-kandidati u hu ppromwova l-post battal u l-applikazzjonijiet taż-żgħażagħ Franċiżi.”
Sébastien huwa grat bl-istess mod lejn Biancangela, u ddeskriva l-inizjattiva bħala “kollaborazzjoni tajba ħafna”. It-tnejn jittamaw li jerġgħu jikkollaboraw fil-futur, u diġà għamlu pjanijiet biex jirrepetu din l-inizjattiva b’suċċess ma’ Your Friends Animazione fl-2020.
Links relatati:
Il-Korp Ewropew ta’ Solidarjetà
Aqra aktar:
Il-Kundizzjonijiet tal-Ħajja u tax-Xogħol fil-pajjiżi tal-EURES
Il-Bażi tad-Data tal-Impjiegi tal-EURES
Is-servizzi tal-EURES għall-impjegaturi
Il-Kalendarju tal-Avvenimenti tal-EURES
Avvenimenti Onlineli ġejjin
L-EURES fuq Facebook
L-EURES fuq Twitter
L-EURES fuq LinkedIn
Dettalji
- Data tal-pubblikazzjoni
- 27 Settembru 2019
- Awturi
- L-Awtorità Ewropea tax-Xogħol | Id-Direttorat Ġenerali tal-Impjiegi, l-Affarijiet Soċjali u l-Inklużjoni
- Temi
- L-aħjar prattika tal-EURES
- Taħriġ EURES
- Aħbarijiet esterni tal-EURES
- Aħbarijiet dwar is-suq tax-xogħol/aħbarijiet dwar il-mobilità
- Xejriet ta' reklutaġġ
- Stejjer ta' suċċess
- Żgħażagħ
- Settur
- Accomodation and food service activities
- Activities of extraterritorial organisations and bodies
- Activities of households as employers, undifferentiated goods- and services
- Administrative and support service activities
- Agriculture, forestry and fishing
- Arts, entertainment and recreation
- Construction
- Education
- Electricity, gas, steam and air conditioning supply
- Financial and insurance activities
- Human health and social work activities
- Information and communication
- Manufacturing
- Mining and quarrying
- Other service activities
- Professional, scientific and technical activities
- Public administration and defence; compulsory social security
- Real estate activities
- Transportation and storage
- Water supply, sewerage, waste management and remediation activities
- Wholesale and retail trade; repair of motor vehicles and motorcycles