Hvað gerir Evrópusambandið til að styðja við fatlaða

Þó að það séu um 87 milljónir fatlaðra í Evrópusambandinu verða þeir oft fyrir óréttlátri meðferð eða mismunun. Atvinnuþátttaka fatlaðra er langt undir meðalatvinnuþátttöku í Evrópusambandinu − aðeins 50%. Aðgengi þeirra að menntun er einnig lágt því minna en 30 % hafa sótt sér æðri menntun. Auk þess býr fjórðungur þeirra við fátækt eða félagslega útskúfun.

Evrópusambandið vinnur hörðum höndum að því að taka á þessum vandamálum með margvíslegum hætti. Öll aðildarríki Evrópusambandsins hafa skuldbundið sig til að bæta líf fatlaðra og byggja á sáttmálanum um starfshætti Evrópusambandsins og sáttmála Evrópusambandsins um grundvallarréttindi.

Hornsteinn félagslegra réttinda í Evrópu

17. meginregla Hornsteins félagslegra réttinda í Evrópu segir að fatlað fólk eigi rétt á bótum sem tryggja því að lifa með reisn, þjónustu sem gerir því kleift að taka þátt á vinnumarkaðinum og í samfélaginu og vinnuumhverfi sem lagað er að þörfum þess.

Hornsteinn félagslegra réttinda í Evrópu.

Stefna um réttindi fatlaðra 2021−2030

Í mars 2021 kynnti framkvæmdastjórn Evrópusambandsins einnig metnaðarfulla stefnu um réttindi fatlaðra 2021-2030. Stefnan miðar að því að fatlaðir geti tekið að fullu þátt í samfélaginu, á jafnréttisgrundvelli með öðrum í ESB og víðar. Efni stefnunnar byggir á samningi Sameinuðu þjóðanna um réttindi fatlaðs fólks, sem öll aðildarríkin hafa undirritað.

Frekari upplýsingar um stefnuna um réttindi fatlaðra 2021-2030.

Evrópulög um aðgengi

Evrópulögin um aðgengi setja mark sitt á stefnuna en þau tryggja að allir hafi aðgang að fjölbreyttu úrvali af daglegum vörum og þjónustu. Samkvæmt lögunum hafa fyrirtæki fram til ársins 2025 til að tryggja að vörur þeirra og þjónusta uppfylli sameiginlegar kröfur ESB um aðgengi.

Frekari upplýsingar um Evrópulögin um aðgengi.

Fjármögnun

Evrópusambandið veitir fjölmörgum Evrópusamtökum fatlaðra og frjálsum félagasamtökum árlega styrki. Styrkirnir miða að því að efla getu samtakanna og auðvelda þátttöku þeirra í ferlum á vettvangi Evrópusambandsins (t.d. segja skoðun sína á þróun laga og stefna Evrópusambandsins).

Frekari upplýsingar um áætlunina Borgarar, jafnrétti, réttindi og gildi.

Veldu EURES

Ef þú átt í erfiðleikum með að finna starf eða þig langar til að breyta um starf ættir þú að hafa samband við EURES ráðgjafa í heimalandi þínu. Yfir 3,9 milljón atvinnuauglýsingar er að finna á EURS svo þú ert kannski bara nokkrum smellum frá nýjum starfsferli.

Skoðaðu síðuna til að lesa um hvernig Evrópusambandið styður við fatlaða.

 

Tengdir hlekkir:

Stefna um réttindi fatlaðra 2021-2030

Sáttmáli Evrópusambandsins um grundvallarréttindi

EURES ráðgjafi í heimalandi þínu

Evrópulög um aðgengi

Hornsteinn félagslegra réttinda í Evrópu

Frekari upplýsingar um áætlunina Borgarar, jafnrétti, réttindi og gildi

Fatlaðir

Sáttmáli um starfshætti Evrópusambandsins

Samningur Sameinuðu þjóðanna um réttindi fatlaðs fólks

 

Nánari upplýsingar:

Evrópskir atvinnudagar

Finna EURES ráðgjafa

Atvinnu- og búsetuskilyrði í EURES-löndum

Vinnugagnagrunnur EURES

Þjónusta EURES fyrir vinnuveitendur

Viðburðadagatal EURES

Næstu viðburðir á Netinu

EURES á Facebook

EURES á Twitter

EURES á LinkedIn