Ráð fyrir breytta atvinnuleit eftir COVID-19

Þar er atvinnuleit ekki undanskilin. Nú þegar byrjar að slakna á útgöngubönnum á sumum stöðum og við byrjum að hlakka til tíma eftir COVID-19 má finna hér sex stutt ráð til að hjálpa þér við að laga atvinnuleitina að breytilegum vinnuheimi.

Sýndu opinn huga fyrir þeim störfum sem þú hefur áhuga á

Þó að COVID-19 ástandið hafi stöðvað ráðningar hjá mörgum fyrirtækjum þurfa önnur (t.d. netsöluaðilar, sendla-/póstþjónusta, stórmarkaðir og lyfjabúðir) á aukalegri hjálp að halda til að standa undir vaxandi eftirspurn af völdum ástandsins. Ef þú ert opin/n fyrir mismunandi störfum ertu mun líklegri til að finna eitthvað sem hentar þér.

Þróaðu viðveru þína á netinu

Þar sem félagsforðunarreglur eru enn í gildi í mörgum löndum fara mjög fá viðtöl og atburðir fram augnliti til auglitis og getur verið að við munum enn halda áfram að sjá fólk sinna fjarvinnu eftir COVID-19. Þar af leiðandi er kraftmikil og fagleg tilvist á netinu mjög mikilvæg. Ef þú uppfærir reikninga þína á LinkedIn og öðrum samfélagsmiðlum með viðeigandi vinnureynslu, færni og menntun og hæfni tryggir það að ráðningaraðilar hafi sem best tækifæri til að finna störf fyrir þig. Auk þess skaltu tryggja að persónulegir reikningar þínir séu varðir viðeigandi friðhelgisstillingum.

Notaðu fjölbreyttar vefsíður og auglýsingar

Ekki treysta á sömu vefsíðurnar og auglýsingarnar við atvinnuleitina, einkum ef hún ber ekki árangur. Notaðu fjölbreyttar leiðir og síður til að tryggja að þú sækir um öll störf sem kunna að henta þér. Flestar atvinnusíður bjóða upp á starfaleit eftir staðsetningu, launum, lykilorðum og vinnutíma.

Æfðu viðtöl í gegnum fjarfundarbúnað

Þar sem persónuleg samskipti hafa verið lágmörkuð og fjöldi fjarvinnustarfa hefur aukist eru góðar líkur á því að atvinnuleitin feli í sér viðtal í gegnum fjarfundarbúnað. Ef þú æfir þig í því áður með fjölskyldumeðlimi eða vini hjálpar það þér við að koma í veg fyrir vandræðaleg mistök sem þú hefðir getað búist við. Virkar hljóðneminn og heyrnatólin og er fartölvan þín fullhlaðin, til að mynda? Er nettengingin þín stöðug og örugg? Eru verulegar tafir á tali? Mundu að klæða þig fyrir viðtalið, tala beint í myndavélina og velja hljóðlátt umhverfi með góðri lýsingu til að koma sem best fyrir.

Búðu til myndbandsyfirlit yfir nám og störf

Myndbandsyfirlit yfir nám og störf á samfélagsmiðlunum þínum (einkum LinkedIn) er frábær leið til að skera sig út og gefa vinnuveitendum smjörþefinn af persónuleika þínum og færni. Veltu fyrir þér hvers kyns spurningar kunni að verða lagðar fyrir í viðtalinu og búðu til stutt myndband þar sem þú svarar nokkrum af þeim. Sömu reglur eiga við hér og í viðtölum í gegnum fjarfundarbúnað: klæddu þig vel, talaðu beint í myndavélina og veldu hljóðlátt umhverfi með góðri lýsingu.

Efldu færni þína

Fjölmörg netnámskeið, skírteini og prófgráður eru í boði og getur verið að sjálfskipuð sóttkví sé frábært tækifæri til að byrja slíkt. Kannski hefur þú tekið eftir sérstökum færnióskum í mörgum atvinnuauglýsingum sem þú telur að myndi gagnast þér að búa yfir. Ef þú sinnir atvinnuleitinni eins og fullu starfi og vinnur með virkum hætti að því að efla færni þína ertu mun líklegri til að ná fyrr árangir auk þess sem slíkt sýnir vinnuveitendum skuldbindingu þína og áhuga.

Við vonum að þessi ráð muni hjálpa þér við að leggja undir þig vinnumarkaðinn eftir COVID-19!

Í samstarfi við EURES, vefgátt um flæði vinnuafls í Evrópu.

Tengdir hlekkir:

Hvernig skal skara fram úr í atvinnuviðtali á netinu

6 bestu ókeypis síðurnar með ókeypis námskeiðum

Nánari upplýsingar:

Evrópskir atvinnudagar

Drop’pin@EURES

Finna EURES-ráðgjafa

Atvinnu- og búsetuskilyrði í EURES-löndum

Vinnugagnagrunnur EURES

Þjónusta EURES fyrir vinnuveitendur

Viðburðadagatal EURES

Næstu viðburðir á Netinu

EURES á Facebook

EURES á Twitter

EURES á LinkedIn