Is-servizzi tal-EURES huma komprensivi u disponibbli għal dawk kollha Ewropej li qed ifittxu xogħol – qabel, waqt, u wara t-tfittxija tagħhom għal xogħol. Jindirizzaw kull aspett tal-għajxien u tax-xogħol barra mill-pajjiż, mill-għoti ta' gwida għall-karriera, ir-reviżjoni u t-traduzzjoni ta' CVs, l-analiżi ta' offerti, u l-iffaċilitar ta' vidjokonferenzi għall-intervisti, sa l-għoti ta' informazzjoni dwar is-suq tax-xogħol Ewropew, l-għoti ta' pariri legali u tas-sigurtà soċjali, l-organizzazzjoni ta' fieri tal-impjiegi, u pariri dwar taħriġ, tagħlim tal-lingwi, u opportunitajiet ta’ finanzjament – biex insemmu biss ftit!
Din it-taqsima hija indirizzata għal dawk li qegħdin ifittxu x-xogħol mis-setturi tal-università u l-politeknik u dawk li b’mod ġenerali għandhom kwalifiki ogħla: studenti, gradwati, għalliema u riċerkaturi. Minħabba li ċerti setturi tax-xogħol huma mfittxija f’pajjiżi partikolari tal-UE, dawk il-persuni bi kwalifiki għoljin li jkunu qegħdin ifittxu x-xogħol għandhom ċansijiet tajbin li jsibu xogħol barra l-pajjiż.
Jekk tippjana li tibda karriera professjonali, issib xogħol ġdid jew tikseb opportunità ta’ taħriġ f’pajjiż ieħor taż-Żona Ekonomika Ewropea (ŻEE) u/jew fl-Iżvizzera, jekk jogħġbok agħti ħarsa lejn is-sezzjonijiet ta’ hawn taħt.
Huwa diffiċli li ssib impjieg jew opportunità ta’ taħriġ f’pajjiżek?
Iltqajt ma’ ħafna ostakli biex taħdem barra minn pajjiżek, u ma tafx kif se tegħlibhom?
L-Europass huwa s-sett tiegħek bla ħlas ta’ għodod u informazzjoni online biex jgħinek tiġġestixxi kull pass tat-tagħlim u l-iżvilupp tiegħek.
The latest EURES news for jobseekers
Il-moviment liberu tal-ħaddiema madwar l-Istati Membri huwa wieħed mil-libertajiet fundamentali li jgawdu ċ-ċittadini tal-UE. Is-sħubijiet transfruntiera tal-EURES jappoġġaw dan billi jipprovdu qafas għal mobbiltà tal-ħaddiema intra-UE bla xkiel.
Fl-1 ta’ Mejju 2024, l-UE ċċelebrat l-20 anniversarju mill-akbar tkabbir tagħha, permezz tal-adeżjoni simultanja ta’ 10 pajjiżi ġodda. Skopri x’fisser dan għas-swieq tax-xogħol tal-Polonja u tas-Slovakkja.
Fl-1 ta’ Mejju 2024, l-UE ċċelebrat l-20 anniversarju mill-akbar tkabbir tagħha, bl-adeżjoni simultanja ta’ 10 pajjiżi ġodda. Skopri x’fisser dan għas-swieq tax-xogħol ta’ Malta u tas-Slovenja.