Fjórar atvinnugreinar sem eru í mikilli eftirspurn vegna COVID-19 heimsfaraldursins

Heilbrigðisþjónusta

Lönd í Evrópu og um allan heim hafa reitt sig mjög á heilbrigðisgeirann allan heimsfaraldurinn og geta búist við að hann muni vaxa á næstu árum. Þó að það verði alltaf eftirspurn eftir heilbrigðisþjónustu hefur heimsfaraldurinn sýnt fram á mikilvægi hans og breyttu landslagi, og skilið eftir svigrúm fyrir fleiri störf og tækifæri.

Ný áhersla á heilbrigðisþjónustu eftir heimsfaraldurinn mun leiða til fjárfestinga í bæði núverandi og nýjum störfum. Þar á meðal eru læknar, lyfjafræðingar, sérfræðingar í smitrakningu, sýndarstjórnendur sjúkrahúsa og sérfræðingar í þrívíddarprentun. Með þróun nýrra bóluefna, aðstöðu og sjálfvirkra kerfa mun iðnaðurinn þurfa fólk með nýja kunnáttu.

Vísindi og nýsköpun

Heimsfaraldurinn hefur vakið mikið af vísindalegum spurningum sem heimurinn hefur átt erfitt með að svara sem leitt hefur til eftirspurnar eftir vísindamönnum og rannsóknaraðilum. Hættuástandið hefur einnig vakið meiri athygli á vísindum, umhverfinu og nýsköpun. Fleiri eru að laga sig að vísindalegri þróun, áhrifum fjarvinnu á umhverfið og sköpun nýrra lausna.

Í kjölfar heimsfaraldursins verður þörf á starfsgreinum eins og lífeindafræðingum, líffræðingum, efnaverkfræðingum og gagnafræðingum til að svara þessum spurningum og leggja sitt af mörkum til að þróa nýjar hugmyndir og lausnir í framtíðinni.

Upplýsingatækni

Innleiðingu sýndarveruleika og gervigreindar í daglegt líf okkar hefur verið flýtt vegna heimsfaraldursins. Þar sem fundir, kennslustundir og afþreying hefur snögglega færst yfir á netvettvang er tækni og þeir sem kunna að nota hana mjög eftirsótt, það er ekki er búist við því að það eigi eftir að breytast. Margir atburðir hafa átt sér stað á netinu í heimsfaraldrinum vegna þess að það var enginn annar kostur í boði, en þessi framsetning hefur ekki aðeins virkað vel heldur hefur hún reynst bæði hagkvæmara og skilvirkara.

Gert er ráð fyrir að upplýsingatækni muni halda áfram að stækka hröðum skrefum og krefjast fjölda nýrra sérfræðinga. Frá hugbúnaðarsmiðum, forriturum og tæknimönnum til upplýsingaöryggis- og tækniráðgjafa, iðnaðurinn er enn ungur og hefur svigrúm til að vaxa.

Stafræn samskipti

Gert er ráð fyrir að samskiptageirinn vaxi og aðlagist eftir því sem sífellt fleirum stafrænum verkfærum er bætt við. Heimsfaraldurinn hefur flýtt fyrir notkun margra þessara tækja og skilið eftir skarð í hæfni í því hvernig eigi að stjórna og nýta þau. COVID-19 hefur einnig aukið verulega fjölda starfsmanna í fjarvinnu og því hafa stafræn samskipti skipt sköpum.

Það er reiknað með að störf eins og samskiptaráðgjafar, viðburðarskipuleggjendur á netinu, stjórnendur samfélagsmiðla og fjölmiðlafyrirtæki eiga eftir að dafna eftir COVID-19.

COVID-19 heimsfaraldurinn var óvæntur og hefur valdið því að vinnumarkaðurinn hefur breyst og þurft að aðlagast nýju umhverfi. Það hefur flýtt fyrir stafrænni tækni og fjarvinnu og bent á þörfina á að þróa og fjárfesta í heilbrigðisþjónustu, vísindum og nýsköpun, upplýsingatækni og stafrænum samskiptum.

Nánari upplýsingar um atvinnuleit í kjölfar heimsfaraldursins er að finna hér: Ráðleggingar um hvernig er hægt að halda gildi sínu á vinnumarkaðnum eftir heimsfaraldurinn.

Tengdir hlekkir:

Ráðleggingar um hvernig er hægt að halda gildi sínu á vinnumarkaðnum eftir heimsfaraldurinn

Nánari upplýsingar:

Evrópskir atvinnudagar

Drop’pin@EURES

Finna Eures ráðgjafa ​

Atvinnu- og búsetuskilyrði í Eures-löndum

Vinnugagnagrunnur Eures

Þjónusta Eures fyrir vinnuveitendur

Viðburðadagatal Eures

Næstu viðburðir á Netinu

Eures á Facebook

Eures á Twitter

Eures á LinkedIn