Cúig chomhartha chinnte go bhfuil tú réidh le haghaidh ardú céime

Tá tú tar éis éirí níos tapúla agus níos éifeachtaí i do chúraimí laethúla

Le himeacht ama, beidh tascanna ar dhoiligh duit iad roimhe seo níos éasca duit, agus beidh tú níos tapúla agus tú i mbun iad a chríochnú. Má bhraitheann tú nach bhfuil do chuid tascanna laethúla dúshlánach duit a thuilleadh, agus má tá siad á gcur i gcrích agat gan stró, d’fhéadfadh sé sin a bheith ina chomhartha go bhfuil tú réidh chun bogadh suas.

Tosaíonn do bhainisteoir ag cur tuilleadh cúraimí ort

Scaití, d’fhéadfadh do bhainisteoir nó d’fhostóir a thabhairt faoi deara go bhfuil do ról reatha sáraithe agat fiú sula dtugann tú féin faoi deara é. De réir mar a théann tú i bhfeabhas i do phost, seans maith go bhfaighidh tú tuilleadh freagrachtaí de réir a chéile chun meaitseáil le do scileanna. Má tá athrú tagtha ar an liosta de do chuid tascanna agus de na cúraimí atá ort ó mar a bhí sé sa chur síos bunaidh ar an bpost, d’fhéadfadh sé a bheith go maith comhrá a bheith agat le do bhainisteoir faoi na chéad chéimeanna eile le haghaidh do ghairme sa chuideachta.

Is tusa an té ar a gcuireann do chomhghleacaithe ceisteanna

Le himeacht ama agus de réir mar a ghnóthaíonn tú taithí, beidh tú i do shealbhóir luachmhar ar eolas na cuideachta. Tabharfaidh tú faoi deara, b’fhéidir, go mbeidh daoine ag teacht chugat níos mó agus níos mó le haghaidh ceisteanna agus le haghaidh rudaí eile a bhaineann leis an obair. Más foinse eolais agus chomhairle thú agus má bhíonn muinín ag do chomhghleacaithe ionat, d’fhéadfadh sé sin a bheith ina chomhartha go bhfuil tú réidh chun do ghairm bheatha a bhrú chun cinn.

Bíonn tuilleadh muiníne ag do bhainisteoir ionat ná mar a bhí roimhe

Nuair a chuireann tú tús le post nua, is gnách go ndéanann do bhainisteoir maoirseacht níos dlúithe ar do chuid oibre. Mar sin féin, de réir mar a éiríonn tú níos fearr agus níos éifeachtaí le do chuid cúraimí, d’fhéadfadh do mhaoirseoir a chinneadh go bhfuil níos lú maoirseachta de dhíth ort. Ciallaíonn sé sin go mbíonn muinín acu asat jab maith a dhéanamh agus nach mbíonn eagla orthu go ndéanfá botúin. Comhartha atá sa mhéid sin go mb’fhéidir go bhfuil tú tar éis do ról a shárú.

Tá tuilleadh aiseolais dearfaigh á fháil agat ón mbainistíocht

Tá an t-aiseolas dearfach a thugtar go díreach ar cheann de na bealaí is mó atá gan débhrí chun a fhios a bheith agat go bhfuil ag éirí go maith leat. Ar ndóigh, d’fhéadfadh roinnt bainisteoirí a bheith ní ba dhrogallaí a gcuid fostaithe a mholadh ná a chéile, fiú más rud é go bhfuil ag éirí go maith leo. Coinnigh súil ar aon aiseolas dearfach a fhaigheann tú ó do chomhghleacaithe, agus go háirithe ón mbainistíocht. Nuair a bheidh dóthain aiseolais carntha agat, b’fhéidir go mbeadh cás maith agat chun ardú céime a iarraidh.

D’fhéadfadh an chosúlacht a bheith ar an scéal go mbeadh comhfhreagras ríomhphoist ina thasc gan tábhacht, ach tá roinnt rialacha bunúsacha ann ar chóir do gach gairmí a bheith ar an eolas fúthu. Foghlaim tuilleadh.

Naisc ghaolmhara:

Ceithre cinn déag de rialacha riachtanacha do ghairmithe maidir le béasaíocht ríomhphoist

Léigh tuilleadh:

Laethanta Fostaíochta Eorpacha

Aimsigh Comhairleoirí EURES

Dálaí maireachtála agus oibre i dtíortha EURES

Bunachar Sonraí Post EURES

Seirbhísí EURES le haghaidh fostóirí

Féilire Imeachtaí EURES

Imeachtaí ar Líne a bheidh ar siúl go luath

EURES ar Facebook

EURES ar Twitter

EURES ar LinkedIn