EURES í Rúmeníu hjálpar ungum atvinnuleitendum að finna lærlingsstöður í Þýskalandi

Raunar, samkvæmt Destatis, hagstofu Þýskalands, var hlutfall atvinnuleysis ungmenna í Þýskalandi árið 2016 (7,1%) það lægsta sem það hefur verið síðan snemma á tíunda áratugnum.

„MobiPro-EU – The Job of my Life“ áætlunin var sett af stað af þýsku ríkisstjórninni 2013 til að takast á við þetta vandamál, með því að gefa ungu fólki frá öðrum aðildarríkjum ESB með hærra hlutfall atvinnuleysis tækifæri á að fara í starfsþjálfun í Þýskalandi.

2015, hóf Vinnumálastofnun í Bacau, sem er hluti af EURES í Rúmeníu, þátttöku í áætluninni eftir að henni var boðið til samstarfs af Alþjóðlegri starfaþjónustu Þýskalands (ZAV) sem báru ábyrgð á að finna starfsnema fyrir áætlunina.

EURES í Rúmeníu var beðið um að skipuleggja val á umsækjendum á aldrinum 15-25 ára, sem hefðu áhuga á að fara í starfsnám í Þýskalandi. Þau hófu bráðlega undirbúning fyrir ráðningardag í Bacau, sem átti sér stað í febrúar 2015.

„Við auglýstum í fjölmiðlum, á lands- og staðbundnum rásum og sendum líka tölvupósta og skilaboð í gegnum síma til allra ungmenna á aldrinum 15-25 ára sem voru skráð í gagnagrunn okkar, og létum þau vita af þessu verkefni,“ minnist Alina-Elena Ciorchelia, EURES-ráðgjafi.

Aline-Elena og Florina Andreea Avram stjórnandi rúmensku Vinnumálastofnunarinnar tóku þátt í atburðinum, ásamt tveimur fulltrúum frá ZAV Rostock. 35 ungar manneskjur mættu á atburðinn og 24 fengu stöðu í Þýskalandi í framhaldinu.

MobiPro-EU – The Job of my Life var byggt í kringum þýska Duale Ausbildung  kerfið, einskonar tvöfalt starfsnám sem sameinar þjálfun í starfi og nám í kennslustofu.

Samkvæmt Alina-Elena hefur þetta tvöfalda kerfi sannað sig sem árangursrík leið til að samlaga ungt rúmenskt fólk þýska vinnumarkaðinum, þar sem það fær ekki bara menntun og starfsreynslu, heldur líka þekkingu á þýskri tungu og annarri mikilvægri lífshæfni.

„Á þennan hátt, er ungt fólk ráðið af þýskum fyrirtækjum snemma og það vinnur og lærir á sama tíma (3-4 dagar í fyrirtækinu, 1-2 dagar í skóla), öðlast einnig meira sjálfstraust, nýja vini, læra sjálfstæði og að vinna fyrir eigin launum, taka á sig nýja ábyrgð sem fylgir því að búa í nýju umhverfi,“ útskýrir Alina-Elena.

Verkefnið gefur þátttakendum fjárhagslegan stuðning, bæði fyrir upphaflegu tungumálanámskeiðin í Rúmeníu og á meðan á starfsnámi þeirra í Þýskalandi stendur. Það náði einnig yfir ferðakostnað fyrir viðtöl og bauð upp á stuðning við að hjálpa þátttakendum að venjast því að búa og starfa í Þýskalandi.

Þátttaka EURES í Rúmeníu í MobiPro-EU – The Job of my Life áætluninni var frábært dæmi um árangursríkt samstarf á milli landsskrifstofu EURES og ríkisstjórnar annars aðildarríkis ESB.

Það var jafn hagstætt fyrir atvinnuleitendur í Rúmeníu sem voru viljugir til að flytja erlendis í leit sinni að tækifærum til þjálfunar og vinnuveitendur í Þýskalandi sem vildu taka inn nýja lærlinga til að styrkja fyrirtæki sín.

„MobiPro-EU – The Job of my Life“ var tilraunaverkefni þýsku ríkisstjórnarinnar sem var í gangi í fjögur ár, frá 2013 til 2016. Frekari upplýsingar um verkefnið eru tiltækar á vefsíðu verkefnisins.

Tengdir hlekkir:

Destatis - atvinna ungmenna í Þýskalandi

MobiPro-EU – The Job of my Life

Nánari upplýsingar:

Evrópskir atvinnudagar

Drop’pin@EURES

Finna Euresráðgjafa

Atvinnu- og búsetuskilyrði í EURES-löndum

Vinnugagnagrunnur EURES

Þjónusta EURES fyrir vinnuveitendur

Viðburðadagatal EURES

Næstu viðburðir á Netinu

EURES á Facebook

EURES á Twitter

EURES á LinkedIn