Jista’ l-fatt li persuna tgħix barra minn pajjiżha jagħti spinta għall-awtokonoxxenza?

Iżda dan kollu x’għandu x’jaqsam mal-għajxien barra l-pajjiż?

L-istudju

Studju riċenti minn grupp ta’ riċerkaturi minn Rice University, Columbia University, University fo North Carolina u mill-Massachusetts Institute of Technology esploraw ir-relazzjoni bejn il-fatt li persuna tgħix barra minn pajjiżha u l-livelli ta’ awtokonoxxenza tagħha. Huma sabu xi rabtiet interessanti.

L-istudju kien ibbażat fuq feedback minn kważi 2,000 persuna, inkluż xi wħud li kienu għexu barra mill-pajjiż u oħrajn li ma għexux barra minn pajjiżhom. Kif irrappurtat mill-World Economic Forum, ir-riżultati wrew li għajxien barra mill-pajjiż iżid l-awtokonoxxenza tal-persuni għaliex “jixpruna riflessjonijiet li jgħinuhom isiru jafu lilhom infushom dwar jekk partijiet mill-identità tagħhom tidentifikax eżatt min huma jew sempliċement tirriflettix it-trobbija kulturali tagħhom”. Fi ftit kliem, l-għajxien f’kultura barranija tisfidana nirriflettu fuq il-valuri veri tagħna u fuq min aħna – minflok sempliċiment naċċettaw il-valuri u s-sens tagħna nfusna li aħna mrobbijin bihom.

L-istudju sab ukoll li t-tul ta’ żmien li n-nies iqattgħu barra mill-pajjiż huwa aktar sinifikanti min-numru ta' pajjiżi li għexu fihom. Aktar ma jqattgħu żmien f’pajjiżi barranin, aktar għandhom ħin għal awtoriflessjoni.

Il-benefiċċji

Li jkollna livell għoli ta’ awtokonoxxenza jista' jgħinna nsaħħu r-relazzjonijiet, intejbu l-ħiliet tagħna u mmexxu l-ħajja tagħna f'direzzjoni pożittiva. Din issaħħaħ kemm il-kuntentizza kif ukoll il-fiduċja għaliex li nkunu nafu min aħna jfisser li nistgħu nagħmlu deċiżjonijiet li jwasslu għal kuntentizza aktar faċilment. Din twassal għal kunfidenza ikbar.

Dawn id-deċiżjonijiet mhumiex relatati biss mal-ħajja personali tagħna. Hemm ukoll evidenza li sens akbar ta’ awtokonoxxenza jista’ jkollu impatt pożittiv fuq l-impjieg, billi jtejjeb il-kapaċità tal-persuni li jieħdu deċiżjonijiet fuq il-post tax-xogħol u dwar il-karrieri tagħhom b’mod ġenerali.

Il-konklużjoni

Filwaqt li l-fatt li tgħix barra minn pajjiżek jista’ jkun avventura eċċitanti, din tista’ wkoll tkun ħafna aktar minn hekk. Jekk int diġà tgħix barra, iddedika ftit ħin għal awtoriflessjoni – qatt ma taf fejn din tista’ twasslek. U jekk għadek ma qbadtx dik it-triq, allura nisperaw li dan l-artikolu urik li hemm ħafna aktar aspetti għal din l-esperjenza minn dawk li forsi immaġinajt inti oriġinarjament.

 

Links relatati:

L-istudju ta' riċerka: The shortest path to oneself leads around the world: Living abroad increases self-concept clarity

World Economic Forum: What living abroad does to your self-awareness

 

Aqra aktar:

Jiem l-Impjiegi Ewropej

Drop’pin@EURES

Sib Konsulent tal- EURES

Kundizzjonijiet tax-xogħol u l-għajxien fil-pajjiżi tal-EURES

Il-Bażi tad-Data tal-Impjiegi tal-EURES

Is-servizzi tal-EURES għall-impjegaturi

Il-Kalendarju tal-Avvenimenti tal-EURES

Avvenimenti Online li ġejjin

L-EURES fuq Facebook

L-EURES fuq Twitter

L-EURES fuq LinkedIn